IRhubo

65 Maye! Zimu, ulindelwe kudunyiswa eZiyoni;

Sizokwenza esikufunge kuwe.

 3 Imitjhaphwami ingiqede amandla,

Kodwana wena ugubuzesa iimphambeko zethu.

 4 Uyathaba umuntu omkhethako bese umtjhideze

Bona azokuhlala eenrhodlweni zakho.

Sizokwaneliswa bubuhle bendlwakho,

Ithempeli lakho elicwengileko.

 5 Uzosiphendula ngezenzo zokulunga ezibabazekako,

Maye! Zimu wesindiswethu;

UliThemba lephasi loke

Nelalabo abakude khulu ngaphetjheya kwelwandle.

 6 Ujamise iintaba zanzinza ngamandlakho;

Uvunule ngamandla.

 7 Uthulisa amalwandle asilingekileko,

Itjhada lamagagasi wawo nomguruguru weentjhaba.

 8 Izakhamuzi zeendaweni ezikude zizokumangazwa ziimbonakaliso zakho;

Uzokwenza abantu ukusuka epumalanga ukufikela etjingalanga bona barhuwelele ngethabo.

 9 Utlhogomela iphasi,

Ulenze lithele inala begodu linothe.

Imilanjana evela kuZimu izele amanzi;

Ubanikela iinthoro,

Ngombana ulenze laba njalo iphasi.

10 Uthambisa imisele yalo begodu ulalise ihlabathalo elinyiweko;

Ulithambisa ngezulu; ubusise iimila zalo.

11 Uhlobisa umnyaka ngobuhle bakho;

Iindledlana zakho ziphuphuma inala.

12 Amadlelo wemmangweni asolo ayaphuphuma,

Imibundu ivunule ngethabo.

13 Amadlelo agubuzeswe mihlambi,

Imirhoba isibekelwe ziinthoro.