IRhubo
Kumnqophisi weGithithi;* irhubo lamadodana kaKhorarhi. Ingoma.
84 Qala bona lithandeka kangangani ithaberinakeli lakho elikhulu,+
Jehova wamabutho!
Ngehliziywami yoke nangamandlami woke ngirhuwelela uZimu ophilako ngethabo.
3 Ngitjho neenyoni zihlala lapho
Ikonjani inesidleke,
Lapho itlhogomela khona abantwabayo,
Hlanu kwe-aldara lakho elikhulu, Jehova wamabutho,
Kosami, Zimami!
4 Bayathaba abahlala endlinakho!+
Baragela phambili bakudumisa.+ (Sela)
5 Bayathaba abafumana amandla kuwe,+
Labo iinhliziyo zabo ezifisa ukuba sendleleni eya endlinakho.
6 Nabadlula eMrhobeni iBhakha,
Bafika endaweni enemithombo;
Begodu izulu lokuthoma liwulethela iimbusiso.*
7 Bazokukhamba kodwana angekhe badinwe;
Omunye nomunye wabo uzokuvela phambi kwakaZimu eZiyoni.
8 Maye! Jehova Zimu wamabutho, yizwa umthandazwami;
Lalela, Zimu kaJakopo. (Sela)
10 Ukuhlala esirhodlweni sakho ilanga linye kungcono kunokuhlala amalanga ayikulungwana kwenye indawo!+
Ngikhethe ukujama ebungenweni bendlu kaZimami
Kunokobana ngiyokuhlala ematendeni weenkhohlakali.
UJehova angekhe abadime nanyana yini ehle
Abathembekileko.+
12 Maye! Jehova wamabutho,
Uyathaba umuntu othembela kuwe.+