Jotjhuwa

21 Nje-ke iinhloko zeenkoro zamaLevi zaya ku-Elazara+ umphristi, uJotjhuwa indodana kaNuni kunye neenhloko zeenkoro zakwa-Israyeli, 2 zakhuluma nabo eTjhilo+ enarheni yeKanana zathi: “UJehova wayala asebenzisa uMosi bona sinikelwe amadorobho esizokuhlala kiwo, kuhlanganise namadlelwawo bona abe ngewefuywethu.”+ 3 Yeke ngomyalo kaJehova, ama-Israyeli anikela amaLevi amadorobho+ kunye namadlelwawo elifeni lawo.+

4 Ifumbe yawela emindenini yamaKhehathi+ begodu amaLevi ebekaziinzukulwana zaka-Aroni afumana ngefumbe amadorobho ali-13 ekorweni kaJuda,+ ekorweni kaSimiyoni+ nekorweni kaBhenjamini.+

5 Amanye amaKhehathi anikelwa ngefumbe amadorobho alitjhumi emindenini yekoro ka-Efrayimu,+ yekoro kaDani nengcenyeni yekoro kaManase.+

6 AmaGeritjhoni+ abelwa amadorobho ali-13 emindenini yekoro ka-Isakari, yekoro ka-Atjheri, yekoro kaNafitali nengcenyeni yekoro kaManase eseBhatjhani.+

7 AmaMerari+ ngokwemindenawo abelwa amadorobho ali-12 ekorweni kaRubeni, ekorweni kaGadi nekorweni kaZebuloni.+

8 Ngokunjalo ama-Israyeli anikela amaLevi amadorobho la namadlelwawo ngefumbe, njengombana uJehova bekayale ngoMosi.+

9 Yeke ekorweni kaJuda nekorweni kaSimiyoni banikela ngamadorobho alandelako abizwe ngamagama+ 10 begodu anikelwa amadodana ka-Aroni wemindeni yamaKhehathi yamaLevi, ngombana ifumbe yokuthoma yawela kiwo. 11 Bawanikela iKhiriyathi-Ariba+ (u-Ariba bekanguyise ka-Anakhi), okutjho iRhebroni,+ esifundeni seentaba sakwaJuda kunye namadlelwayo ayibhodileko. 12 Kodwana isimu yedorobho neendawo zayo zokuhlala bayinikela uKalebi indodana kaJefune bona ibe ngeyakhe.+

13 Amadodana ka-Aroni umphristi bawanikela idorobho lobuphephelo lomuntu obuleleko,+ okutjho iRhebroni+ namadlelwayo, kunye neLibhina namadlelwayo,+ 14 iJatiri+ namadlelwayo, i-Etjhitemowa+ namadlelwayo, 15 iRholoni+ namadlelwayo, iDebhiri+ namadlelwayo, 16 i-Ayini+ namadlelwayo, iJutha+ namadlelwayo, kunye neBhethe-Tjhemetjhi namadlelwayo, amadorobho alithoba avela eenkorweni ezimbilezi.

17 Ekorweni kaBhenjamini: IGibiyoni+ namadlelwayo, iGeba namadlelwayo,+ 18 i-Anatothi+ namadlelwayo, i-Alimoni namadlelwayo, amadorobho amane.

19 Woke amadorobho anikelwa iinzukulwana zaka-Aroni, abaphristi, bekumadorobho ali-13 namadlelwawo.+

20 Eminye imindeni yamaKhehathi hlangana namaLevi yafumana amadorobho ngefumbe ekorweni ka-Efrayimu. 21 Yanikelwa idorobho lobuphephelo lomuntu obuleleko,+ okuyiTjhekemu+ namadlelwayo esifundeni seentaba sakwa-Efrayimu, iGezeri+ namadlelwayo, 22 iKhibitsayimu namadlelwayo neBethe-Rhoroni+ namadlelwayo, amadorobho amane.

23 Ekorweni kaDani: I-Elitekhe namadlelwayo, iGibhethoni namadlelwayo, 24 i-Ayaloni+ namadlelwayo, iGathi-Rimoni namadlelwayo, amadorobho amane.

25 Engcenyeni yekoro kaManase: ITanaki+ namadlelwayo neGathi-Rimoni namadlelwayo, amadorobho amabili.

26 Amadorobho namadlelo wakhona anikelwa imindeni yamaKhehathi bewalitjhumi nawawoke.

27 AmaGeritjhoni+ wemindeni yamaLevi afumana engcenyeni yekoro kaManase idorobho lobuphephelo lomuntu obuleleko, okutjho iGolana+ eBhatjhani namadlelwayo neBhetjhitera namadlelwayo, amadorobho amabili.

28 Ekorweni ka-Isakari:+ IKhitjhiyoni namadlelwayo, iDaberathi+ namadlelwayo, 29 iJarimuthi namadlelwayo, i-Eni-Ganimu namadlelwayo, amadorobho amane.

30 Ekorweni ka-Atjheri:+ IMitjhali namadlelwayo, i-Abidoni namadlelwayo, 31 iRhelikhathi+ namadlelwayo, iRerhobu+ namadlelwayo, amadorobho amane.

32 Ekorweni kaNafitali: Idorobho lobuphephelo+ lomuntu obuleleko, okutjho iKhedetjhi+ eGalile namadlelwayo, iRhamothi-Dori namadlelwayo neKharitani namadlelwayo, amadorobho amathathu.

33 Woke amadorobho wamaGeritjhoni ngokwemindenawo bewali-13 namadlelwawo.

34 Imindeni yamaMerari,+ amanye amaLevi yafumana ekorweni kaZebuloni:+ IJokhineyamu+ namadlelwayo, iKharita namadlelwayo, 35 iDimina namadlelwayo neNahalali+ namadlelwayo, amadorobho amane.

36 Ekorweni kaRubeni: IBhetseri+ namadlelwayo, iJahatsi namadlelwayo,+ 37 iKhedemothi namadlelwayo, iMefathi namadlelwayo, amadorobho amane.

38 Ekorweni kaGadi:+ Idorobho lobuphephelo lomuntu obuleleko, okutjho iRamothi eGiliyadi+ namadlelwayo, iMarhanayimu+ namadlelwayo, 39 iRhetjhibhoni+ namadlelwayo, iJazeri+ namadlelwayo, amadorobho amane nawawoke.

40 Woke amadorobho abelwa amaMerari ngokwemindenawo, eminye imindeni yamaLevi, bewali-12.

41 Woke amadorobho wamaLevi ebewahlangana nelifa lama-Israyeli bewama-48 kuhlanganise namadlelwawo.+ 42 Idorobho ngalinye belinamadlelo alibhodileko, bewanjalo woke amadorobho la.

43 Yeke uJehova wanikela ama-Israyeli yoke inarha ebekafunge ukuyinikela abokhokho bawo+ begodu ayithatha ahlala kiyo.+ 44 Ngaphezu kwalokho, uJehova wawanikela ukuthula mahlangothi woke, njengombana athembisa abokhokho bawo+ begodu alikho nalinye inaba lawo elakghona ukuwahlula.+ UJehova wanikela woke amanabawo esandleni sawo.+ 45 Asikho nasinye isithembiso esingakhenge sizaliseke kizo zoke iinthembiso ezihle uJehova azenza endlini ka-Israyeli; zazaliseka zoke.+