IRhubo

99 UJehova uyiKosi.+ Iintjhaba azihlengezele.

Uhlezi esihlalweni sobukhosi phezu kwamakherubhi.*+ Iphasi alisikinyeke.

2 UJehova mkhulu eZiyoni,

Ubusa phezu kwazo zoke iintjhaba.+

3 Azidumise igama lakho elikhulu,+

Ngombana liyababazeka begodu licwengile.

4 Uyikosi enamandla ethanda ubulungiswa.+

Wena udzimelelise ukulunga.

Ulethe ubulungiswa nokulunga+ kwaJakopo.

5 Phakamisani uJehova uZimethu,+ nikhothame esinabelweni seenyawo zakhe;+

Ucwengile.+

6 UMosi no-Aroni bebangabanye babaphristi bakhe,+

USamyela bekangomunye wababiza igama lakhe.+

Bebabiza uJehova,

Begodu yena bekabaphendula.+

7 Bekakhuluma nabo asesikeni yelifu.+

Bebaphetha iinkhumbuzo zakhe neenqophiso abanikela zona.+

8 Maye! Jehova Zimethu, wabaphendula.+

BewunguZimu owabalibalela,+

Kodwana wabajezisa ngebanga lezono zabo.+

9 Phakamisani uJehova uZimethu+

Nikhothame phambi kwentabakhe ecwengileko,+

Ngombana uJehova uZimethu ucwengile.+