IRhubo
71 Maye! Jehova, ngiphephele kuwe.
Ngibawa ukungaphathiswa iinhloni.+
2 Ngisindisa, ungihlangule ngokulunga kwakho.
Ngipha indlebe,* ungisindise.+
3 Yiba lidwala lami lesiphephelo
Lapho engingahlala ngingena khona.
Khupha umyalo bona ungisindise,
Ngombana ulidwala lami nendawami evikelekileko.+
4 Maye! Zimami, ngihlangula esandleni sokhohlakeleko,+
Ekubanjweni mgandeleli onganabulungiswa.
5 Ngombana ulithemba lami, Kosi ePhakemeko Jehova;
Ngithembele kuwe kusukela ebutjheni bami.+
6 Ngithembele kuwe kusukela ekubelethweni kwami;
Nguwe owangikhupha ngesibelethweni sikamma.+
Ngikudumisa qobe.
7 Ngibe njengesimangaliso kwabanengi,
Kodwana wena usiphephelo sami esiqinileko.
8 Umlomami uphuphuma ukukudumisa;+
Ngikhuluma ngephazimulwakho ilanga loke.
10 Amanabami angikhuluma kumbi,
Nalabo abafuna ukungibulala bahlangene ngami,+
11 Bathi: “UZimu umlahlile.
Mgijimiseni nimbambe ngombana akekho ozomsindisa.”+
12 Maye! Zimu, ungahlaleli kude nami.
Maye! Zimami, rhaba uzongisiza.+
13 Kwanga labo abaphikisana nami
Bangaphathiswa iinhloni babhubhe.+
Kwanga labo abangifisele ihlekelele
Bangagubuzeswa lihlazo nehlekelele.+
14 Kodwana mina ngizokuraga nokulinda;
Ngizokudumisa khulu kunekuthomeni.
15 Umlomami uzokukhuluma ngokulunga kwakho,+
Ilanga loke ngizokukhuluma ngezenzo zakho zesindiso,
16 Maye! Kosi ePhakemeko Jehova,
Ngizokuza ngikhulume ngezenzo zakho zamandla;
Ngizokukhuluma ngokulunga kwakho, kwakho wedwa.
17 Ungifundisile kusukela ebutjheni bami,+
Bekube nje, ngisolo ngimemezela imisebenzakho emangalisako.+
18 Maye! Zimu, ungangilahli ngitjho nanyana sengiluphele, iinhluthu zami zimhlophe.+
Ngivumela ngitjele isizukulwana esilandelako ngamandlakho
Ngikhulume ngamandlakho kibo boke abazokuza ngemva kwami.+
19 Maye! Zimu, ukulunga kwakho kufinyelela eendaweni eziphezulu;+
Wenze izinto ezikulu;
Maye! Zimu, ngubani onjengawe?+
20 Nanyana ungenze ngagandeleleka khulu, ngaqalana neenhlekelele ezinengi,+
Ngivuselela godu;
Ngikhupha ekuzikeni kwephasi.+
21 Kwanga ungandisa ubukhulu bami
Ungibhode bese ungiduduze.
22 Ngizokudumisa ngesinara
Ngebanga lokuthembeka kwakho Zimami.+
Ngizokubhinela iindumiso ngeharibha,
Wena oCwengileko ka-Israyeli.