IRhubo
Irhubo. Ingoma yelanga leSabatha.
92 Kuhle ukuthokoza uJehova+
Nokubhinela igama lakho iindumiso, wena oPhezukoke,
2 Ukumemezela ngethando lakho elithembekileko+ ekuseni
Nangokuthembeka kwakho ebusuku,
3 Kukhambisana nesililiso sesinara seentambo ezilitjhumi,
Nomdumo omnandi weharibha.+
4 Ngombana ungenze ngathaba Jehova, ngezenzo zakho;
Ngebanga lemisebenzi yezandla zakho ngirhuwelela ngethabo.
5 Qala bona mikhulu kangangani imisebenzakho Jehova!+
Qala bona izike kangangani imicabangwakho!+
6 Umuntu onganangqondo angekhe ayazi;
Nomuntu osidlhayela angekhe akuzwisise lokhu:+
7 Lokha abantu abakhohlakeleko nabatlhurha njengekhula
Nabo boke abenza okumbi baphumelela,
Bona babhujiswe ngokungapheliko.+
8 Kodwana wena Jehova, uphakeme ngokungapheliko.
9 Maye! Jehova, qala ukuwa kwamanabakho,
Qala bona amanabakho azokuphela njani;
Boke abenza okumbi bazokurhatjheka.+
10 Kodwana uzokuphakamisa amandlami njengewekunzi* yommango;
Ngizokuzesa isikhumba sami ngamafutha wezinga eliphezulu.+
11 Amehlwami azokubona ukuwa kwamanabami;+
Neendlebe zami zizokuzwa ngokuwa kwabantu abambi abangisahlelako.
12 Kodwana abalungileko bazokutlhurha njengomuthi wesundu
Begodu bazokuba bakhulu njengomsedari weLibhanoni.+
13 Batjalwe ngendlini kaJehova;
Bazokutlhurha ngeenrhodlweni zakaZimethu.+
14 Ngitjho nekuluphaleni kwabo bazokuphumelela;+
Bazokuhlala banamandla baphilile,+
15 Bamemezele bona uJehova ulungile.
UliDwala lami,+ akenzi litho elingakalungi.