Yokuthoma YeenKronike
22 Nje-ke uDavida wathi: “Le yindlu kaJehova uZimu weqiniso begodu leli li-aldara leminikelo etjhiswako ka-Israyeli.”+
2 Ngemva kwalokho, uDavida wayala bona kubuthelwe ndawonye izakhamuzi ezivela kwezinye iinarha+ ezisenarheni yakwa-Israyeli, wazabela bona zibe basiki bamatje, ukuze zisike bezibaze amatje wokwakha indlu kaZimu weqiniso.+ 3 UDavida walungiselela nesimbi enengi bona kwenziwe iimpikiri zeminyango yamasango nezeenghamelo, walungiselela nekhopha enengi kangangobana beyingasakaleki,+ 4 neengodo zomsedari+ ezingangobaba ngombana amaTsidoni+ namaTirosi+ alethela uDavida iingodo zomsedari ezinengi khulu. 5 UDavida wathi: “Indodanami uSolomoni isanuka ibisi begodu ayinalemuko,+ indlu ekufuze yakhelwe uJehova kufuze ibe yihle ngokubabazekako+ ukuthi idumo layo nobuhle bayo+ baziwe kizo zoke iinarha.+ Nje-ke, ngizoyenzela amalungiselelo.” UDavida walungiselela izinto zokwakha ezinengi ngaphambi kokuhlongakala kwakhe.
6 Ngaphezu kwalokho, wabiza indodanakhe uSolomoni wayiyala bona yakhele uJehova uZimu ka-Israyeli indlu. 7 UDavida wathi endodanenakhe uSolomoni: “Nakungimi, ihliziywami beyifisa ukwakhela igama lakaJehova uZimami indlu.+ 8 Kodwana ilizwi lakaJehova lafika kimi, lathi, ‘Uphalaze iingazi ezinengi begodu ulwe izipi ezikulu. Angekhe wakhele igama lami indlu+ ngombana uphalaze iingazi ezinengi ephasini phambi kwami. 9 Qala! Uzokuba nendodana+ ezokuba yindoda yokuthula, ngizoyinikela nokuphumula emanabenayo woke ayibhodileko+ ngombana igama layo kuzokuba nguSolomoni*+ begodu emihlenayo ngizokunikela u-Israyeli ukuthula.+ 10 Ngiyo ezokwakhela igama lami indlu.+ Izokuba yindodanami, mina ngibe nguyise.+ Ngizokunzinzisa isihlalo sayo sobukhosi phezu kwaka-Israyeli ngokungapheliko.’+
11 “Nje-ke ndodanami, kwanga uJehova angaba nawe begodu kwanga ungaphumelela, wakhe indlu kaJehova uZimakho njengombana akhulumile malungana nawe.+ 12 Kwanga uJehova angakupha ukuhlakanipha nokuzwisisa+ nakakunikela ilawulo phezu kwaka-Israyeli ukuthi uphethe umthetho kaJehova uZimakho.+ 13 Yeke uzokuphumelela nawulalelisisa iinqophiso+ nezahlulelo uJehova ayala uMosi bona azinikele u-Israyeli.+ Qina ube nesibindi. Ungathukwa namkha uhlengezele.+ 14 Ngirhuzuke khulu bona ngilungiselele indlu kaJehova amatalende* wegolide azii-100 000 namatalende wesiliva asi-1 000 000 nekhopha nesimbi enengi+ kangangobana azikaleki begodu ngilungiselele iingodo namatje+ kodwana wena uzazingezelela. 15 Kunamadoda amanengi azokusebenza nawe, abasiki bamatje, abakha ngamatje,+ abasebenza ngekhuni nayo yoke imihlobo yeensebenzi ezinekghono.+ 16 Igolide, isiliva, ikhopha nesimbi zingangobaba.+ Sikima uthome umsebenzi begodu kwanga uJehova angaba nawe.”+
17 Ngemva kwalokho, uDavida wayala woke amakhosana wakwa-Israyeli bona asize indodanakhe uSolomoni, wathi: 18 “Inga-kghani uJehova uZimenu akasinani begodu akusinguye na oninikele ukuphumula mahlangothi woke? Ngombana unginikele izakhamuzi zenarha begodu inarha ihluliwe phambi kwakaJehova naphambi kwabantu bakhe. 19 Nje-ke zimiseleni ukufuna uJehova uZimenu ngeenhliziyo zenu zoke nangomphefumulwenu* woke+ begodu thomani ukwakha indawo ecwengileko kaJehova uZimu weqiniso+ bona kulethwe umfaji kaJehova wesivumelwano nezitja ezicwengileko zakaZimu weqiniso+ ngendlini eyakhelwe igama lakaJehova.”+