IRhubo
Kumnqophisi. Irhubo lakaDavida. Ingoma.
2 Wangikhupha ngemgodini obhodlako,
Edakeni elimodzako.
Wabeka iinyawo zami edwaleni;
Wangikhambisa endaweni ephephileko.
3 Ngemva kwalokho, wangifundisa ingoma etja,+
Indumiso kaZimethu.
Abanengi bazokuqala bathukwe
Babeke ithemba labo kuJehova.
4 Uyathaba umuntu othembela kuJehova
Ongathembeli kwabadelelako namkha abanamala.
5 Qala bona zinengi kangangani izinto ozenzileko,
Maye! Jehova Zimami,
Imisebenzakho emangalisako nemicabango onayo ngathi.+
Akekho ongamadaniswa nawe;+
Nangingalinga ukumemezela nokukhuluma ngayo,
Angeze ngakghona, ngombana minengi khulu bona ingabalwa!+
6 Umhlatjelo nomnikelo akhenge uwufise,*+
Kodwana wavula iindlebe zami bona zizwe.+
Akhenge ubawe iminikelo yokutjhiswa neminikelo yesono.+
7 Yeke ngathi: “Qala, ngizile.
Emsongweni kutloliwe ngami.+
9 Ngimemezela iindaba ezimnandi zokulunga ebandleni elikhulu.+
Qala! Angizikhandeli iindebe zami,+
Maye! Jehova, njengombana wazi kuhle.
10 Angivaleli ukulunga kwakho ngehliziywenami.
Ngikhuluma ngokuthembeka kwakho nesindiswakho.
Angilifihli ithando lakho* neqiniso lakho ebandleni elikhulu.”+
11 Maye! Jehova, ungangidimi umusakho.
Kwanga ithando lakho neqiniso lakho kungangivikela qobe.+
12 Iinhlekelele ezingibhodileko zinengi khulu bona zingabalwa.+
Imitjhaphwami eminengi ingiqeda amandla kangangobana angiyiboni indlelami;+
Minengi khulu idlula iinhluthu zami,
Begodu ngiphelelwe mamandla.
13 Maye! Jehova, ngibawa ungisindise.+
Maye! Jehova, rhaba uzongisiza.+
14 Kwanga boke abafuna ukungibulala
Bangaphathiswa iinhloni bahlaziswe.
Kwanga labo abathatjiswa yihlekelelami
Bangabuyela emva behliswe isithunzi.
15 Kwanga labo abathi kimi: “Arha! Arha!”
Bangadaniswa ngebanga lehlazo labo.
Kwanga labo abathanda isindiswakho bangahlala bathi:
“Kwanga uJehova angadunyiswa.”+
17 Kodwana anginamsizi begodu ngiqhakile;
Kwanga uJehova angangitlhogomela.