Umtjhado

Iimbonelo eziseBhayibhelini ezingasisiza:

• Gen 24:1-4, 7—Lokha u-Abrahama nasele akhulile, wazimisela ukufunela indodanakhe u-Isaka umfazi hlangana nabantu abalotjha uJehova, ingasi hlangana namaKanana ebekalotjha abanye abozimu

• Gen 28:1-4—U-Isaka utjela uJakopo ukuthi akukafuzi atjhade nomfazi omKanana kodwana bekufuze afumane umfazi olotjha uJehova

Iimbonelo eziseBhayibhelini ezingasisiza:

• 1Kh 11:1-6, 9-11—UJehova wakwatela uSolomoni ngebanga lokungalaleli iinqophiso zakhe, watjhada nabafazi bakezinye iintjhaba begodu wabavumela bamenza wangasathandi uJehova

• Ner 13:23-27—NjengoJehova, umPhathi uNerhemiya wakwata khulu lokha amadoda wakwa-Israyeli nakatjhada nabafazi bakwezinye iinarha nabangalotjhi uJehova, yeke wabanikela isiyalo bewabalungisa

Iimbonelo eziseBhayibhelini ezingasisiza:

• 1Sa 25:2, 3, 14-17—UNabhali indoda ka-Abigeyili bekayindoda enjingileko kodwana bekanelunya begodu atlhorisa, lokho kwamenza indoda engakalungi

• IzA 21:9—Nange senza isinqunto esingakahlakaniphi, singatjhada nomuntu ozosenza singathabi besingabi nokuthula

• Rom 7:2—Umpostoli uPowula, uhlathulula ukuthi lokha umfazi nakatjhadako, ngokwezinga elithileko uba ngaphasi kwelawulo lendodakhe enesono, yeke umfazi ohlakaniphileko uyatjhejisisa ukuthi ukhetha ukutjhada nomuntu onjani

Isibonelo esiseBhayibhelini esingasisiza:

• IzA 24:27—Ngaphambi kobana indoda itjhade begodu okungenzeka ibe nabantwana kufuze isebenze budisi, ikulungele ukutlhogomela umndenayo

Iimbonelo eziseBhayibhelini ezingasisiza:

• Rut 2:4-7, 10-12—UBhowazi wabona ukuthi uRute mfazi onjani ngokuqala indlela ebekasebenza nebekaphatha ngayo uNawomi nangokulalela lokho abantu abathembekileko ebebakutjho ngaye nangokuthi umthanda kangangani uJehova

• Rut 2:8, 9, 20—URute wabona ukuthi uBhowazi bekanomusa, aphana begodu athanda uJehova

Iimbonelo eziseBhayibhelini ezingasisiza:

• IzA 5:18, 19—Ezinye iindlela zokutjengisa ithando ngezabantu abatjhadileko kwaphela

• Ngo 1:2; 2:6—Umelusi nomntazana weTjhulami batjengisana njani ukuthi bathandana ngendlela ehloniphekileko nehlwengekileko?

• Ngo 4:12; 8:8-10—Umntazana weTjhulami waziphatha kuhle begodu ufaniswa nesimu ekhiyiweko

Iimbonelo eziseBhayibhelini ezingasisiza:

• Gen 21:8-12—UJehova utjela u-Abrahama ukuthi alalele umkakhe uSara nanyana umbonwakhe bekangawuthandi

• IzA 31:10, 11, 16, 28—Indoda ehlakaniphileko enomfazi onobuntu obuhle, ayimkateleli ukuthi enze okuthileko namkha iqale imitjhaphakhe kunalokho iyamthemba begodu iyambuka

• Efe 5:33—Umpostoli uPowula utjengisa ukuthi umfazi utlhoga isiqinisekiso nokwazi ukuthi indodakhe iyamthanda

Iimbonelo eziseBhayibhelini ezingasisiza:

• IzA 1:8; 1Ko 7:4—UZimu unikele abafazi nabomma ilungelo lokwenza okuthileko emndenini

• 1Ko 11:3—Umpostoli uPowula uhlathulula ukuthi elungiselelweni lakaJehova, soke singaphasi kwelawulo elithileko ngaphandle kwakaZimu uMninimandla Woke

• Heb 13:7, 17—Ebandleni, amadoda nabafazi kufuze basebenzisane bebalalele labo abadosa phambili

Isibonelo esiseBhayibhelini esingasisiza:

• Gen 18:12; 1Pt 3:5, 6 —USara wamhlonipha khulu u-Abrahama begodu wamqala ‘njengekosi’

Iimbonelo eziseBhayibhelini ezingasisiza:

• Gen 24:62-67—URabega ududuza indodakhe u-Isaka ngemva kokuhlongakalelwa ngunina

• 1Sa 25:14-24, 32-38—U-Abigeyili uvikela indodakhe esidlhadlha begodu usindisa indlwakhe ngokuthi azithobe bekabe nomusa kuDavida

• Est 4:6-17; 5:1-8; 7:1-6; 8:3-6—Indlovukazi u-Esta ibeka ukuphila kwayo engozini kabili ngokuthi iye endodenayo ingakabizwa, bona ibawele abantu bakaZimu isivikelo