Iinlayezo Kilabo Abaphatha Umhlangano Wekonzo
Ukuthoma nge-Ikonzwethu YoMbuso le, ibizo lehlelo loMhlangano Wekonzo lenziwe laba lula. Iinlayezo ezilandelako neenkhumbuzo zizosazisa begodu zisikhanyisele ngalokho okwavezwa esihlokweni esithi, “Indlela Yokulungiselela Umhlangano Wenkonzo,” eyaphuma ngoMeyi 2009 e-Ikonzwenethu YoMbuso yesiZulu.
◼ Ikulumo: Ikulumo le kuqaliswe ekulumweni esekelwe encwadini ethileko ngaphandle kokuhlanganyela kweenlaleli. Isikhulumi kufuze sidzimelele kilokho okuzokurhelebha khulu ibandla.
◼ Iimbuzo Neempendulo: Ingcenye le iyafana nendlela isifundo se-ISithalasokulinda esiragwa ngayo, inesingeniso esifitjhani nesiphetho begodu neembuzo ebuzwa eengabeni zoke. Umzalwana oraga ingcenye le kufuze angakhulumi khulu. Imtlolo eyihloko ingafundwa nengabe isikhathi siyavuma. Iingaba akukafaneli bona zifundwe ngaphandle kokobana kunikelwe iinlayezo zokobana zifundwe.
◼ Ingcoco: Le, akusiyo ikulumo kwaphela, kokhunye kuzokutlhogeka bona kubandakanywe neenlaleli. Kodwana ayizokuba yikulumo yeembuzo neempendulo yoke.
◼ Iimboniso Neenkulumiswano: Iinlayezo nakwenziwa umboniso lokhu kutjho bona umzalwana owabelwe bona enze ingcenye le, kufuze ahlele bona kube nomboniso; akukafuzi bona kube nguye owenza umboniso. Labo abakhethe bona bamrhelebhe kufuze bafaneleke begodu babe sibonelo, kufuze ahlele nabo kusese ngaphambili nengabe kuyakghoneka. Kungaba kuhle bona kungabi barhuweleli abasathoma ukuhlanganyela abangenalo ilemuko lokwenza umboniso ngombana ufuna ukubanikela ithuba lokobana baye esiteji, nokho, abanye bangaberegiswa njengabaninimuzi. Abarhuweleli abenza umboniso kufuze baqale iinlaleli. Labo ababeregiswe eenkulumiswaneni kufuze bakwenze basesiteji kunokobana bakwenze baseentulweni zabo. Iimboniso neenkulumiswano kufuze zihlolwe. Nengabe isikhathi somhlangano siphelile umzalwana kufuze anciphise ingcenye yakhe, kodwana iimboniso namtjhana iinkulumiswano kufuze zenziwe. Iinceku ezikhonzako kufuze zithinte umthintanisi wabadala namtjhana omunye umdala ngaphambi kobana zikhethe abantu ezizobaberegisa.
Nengabe kunengcenye eneenlayezo ezikhethekileko, kufuze zitjhejisiswe begodu zilandelwe. Ngokwenza iingcenye zoMhlangano Wekonzo njengombana kutjengisiwe, abazalwana bazokwenza uMhlangano Wekonzo bona ‘wenziwe ngobuthakga nangefanelo.’—1 Kor. 14:40.