Sebenzisa IiNgeniso EziPhumelelako
1. Singafundani eengenisweni ezihlukahlukeneko zamaKrestu wangaphambilini?
1 AmaKrestu wangaphambili atjhumayela iindaba ezimnandi ebantwini bamasiko neenkolo ezihlukahlukeneko. (Khol. 1:23) Nanyana umlayezwabo bewufana—umBuso kaZimu—isingeniso besihluka kuye ngokuvumelana neenlaleli. Ngokwesibonelo, uPitrosi nekakhuluma namaJuda ebekanehlonipho edephileko ngemiTlolo, wathoma ngokudzubhula umporofidi uJuweli. (IzE. 2:14-17) Ngakelinye ihlangothi, tjheja indlela uPowula abonisana ngayo namaGirigi njengombana itlolwe kuzEnzo 17:22-31. Namhlanjesi, abantu emasimini athileko bayayihlonipha imiTlolo, begodu singaqalisela eBhayibhilini ngokutjhaphulukileko njengombana singena umuzi nomuzi. Nokho, kungatlhogeka bona sihlakaniphe nesikhuluma nalabo abanganakareko eBhayibhilini namtjhana ekolweni namtjhana abasekolweni engasingeyobuKrestu.
2. Singayisebenzisa njani incwadi ekhanjiswako ukusiza labo abalihloniphako iBhayibhili kuhlanganise nalabo abangalihloniphiko?
2 ISebenzise Kuhle INcwadi EKhanjiswako: Iincwadi ezikhanjiswako emnyakeni wekonzo lo zizokutjhentjha qobe ngemva kweenyanga eembili begodu kuzokudzimelelwa khulu kibomagazini, amaphetjhana neencwajana. Ngitjho nanyana abantu abasesiminethu ngokujayelekileko abanakareko eBhayibhilini, sisazokukghona ukubakhambisela okuzokuvusa ikarekwabo. Kungenzeka singawufundi umTlolo ekukhambeleni kokuthoma nofana siqalisele eBhayibhilini ngokunqophileko, kodwana nekutjengiswe ikareko singabuyela sinomnqopho wokusiza umninimuzi bona abe nekholo kumBumbi neliZwini lakhe eliphefumulelweko. Ngakelinye ihlangothi, nesitjhumayela lapho abantu banehlonipho ngeBhayibhili, singasebenzisa incwadi nesingeniso esiveza lokho. Eqinisweni, singakhambisa incwadi ethi Okufundiswa YiBhayibhili namtjhana incwajana ethi Lalela UZimu Uphile Ngokungapheliko nanyana kunini kungakhathaliseki bona kukhanjiswa siphi isipho senyanga. Into eqakatheke khulu kusebenzisa isingeniso esisebenzako.
3. Kungayiphi indlela iinhliziyo zabantu abasesiminethu zinjengehlabathi?
3 Lungisa IHlabathi: Ihliziyo yomuntu injengehlabathi. (Luka 8:15) Enye ihlabathi itlhoga ukulungiswa khudlwana ngaphambi kobana imbewu yeqiniso leBhayibhili imile begodu ikhule. Abatjhumayeli bangekhulu lokuthoma batjala ngokuphumelelako kiyo yoke imihlobo yehlabathi, begodu lokhu kwabalethela ukwaneliseka nethabo. (IzE. 13:48, 52) Singaphumelela ngendlela efanako nesitjhejisisa iingeniso zethu.