‘Thandani Boke Abazalwana’
Amezwi aphefumulelweko wesihlokwesi atlolwa pheze eminyakeni eziinkulungwana eembili ezidlulileko. (1 Pit. 2:17) Kodwana nje kufuze siwasebenzise khulu kunanini ngaphambili! Singayithanda njani into ekulu njengobuzalwana bephasi loke? Ephasineli elinganathando, singakuqinisekisa njani bona ithando lethu ngeze laphola? (Mat. 24:12) Qala bona ungakghona ukuphendula imibuzo elandelako newubukela ividiyo ethi Our Whole Association of Brothers.
(1) Saba nini yingcenye yobuzalwana bethu bobuKrestu ngokusemthethweni? (2) Ngimiphi imisebenzi emithathu esifana ngayo nabazalwana bethu bephasi loke? (3) Abazalwana bethu bakutjengisa njani bona bazimisele ukutjhumayela (a) eenarheni ezikude e-Alaska, (b) edoyelweni leenkepe elikhulu le-Europe, (c) nemahlathini aminyeneko wePeru? (4) Kubayini kungakafuzi sicabange bona ukutjhumayela kumsebenzi ovamileko kwaphela? (5) Nikela iimbonelo zendlela aboFakazi bakaJehova abatjhiriya begodu basekelana ngayo (a) ngemva kokusikinyeka kwephasi, (b) nangemva kwesiwuruwuru esinamandla, (c) hlangana nepi yombango? (6) Kungaziphi iindlela ezisebenzisekako soke singatjengisa ngazo itshwayo elikhulu lobuzalwana bethu bobuKrestu? (Jwa. 13:35) (7) Ngiziphi iinzuzo zokusebenza ndawonye bona sakhe amaWolwethu womBuso? (8) Abazalwana bethu ePumalanga Yurobhu neRussia bakghona njani ukuhlala batjhidelene noJehova lokha umsebenzi uvinjelwe? (9) Ngimiphi imizamo engeziweko eyenziwa boFakazi abanengi ukwenzela bona babe khona emihlanganweni emikhulu, begodu kubayini? (10) Ividiyo le yakuqinisa njani ukuzimisela kwakho (a) ukukhonza uJehova emihlanganweni yobuKrestu ngobunye nabanakwethu, (b) ukusiza abanye nebatlhoga isizo (c) nokutjhumayela ngokuthembeka nanyana kunini begodu nanganyana ngiyiphi indlela ongakwenza ngayo? (11) Singayisebenzisa njani begodu nini ividiyo le ekonzweni?
Ibanga lethu eliyihloko lokuba yingcenye yobuzalwana bobuKrestu lithando lethu ngoJehova. Siyakuthanda ukufunda ngaye nokutjhumayela ngaye kwabanye. Begodu siyabathanda abantu uJehova abathandako. Nesibasizako nebatlhogako, asilindeli bona uZimu asithokoze. Kunalokho, sithokoza uZimu ngombana siqala ubuzalwana bobuKrestu njengesipho esiligugu esivela kuye. Njengombana amalanga wokuphela wephaseli elinganathando sekafikelela ekupheleni, kwanga singaragela phambili sithanda boke abazalwana!