Izaziso

◼ Isipho esikhanjiswa ngoMatjhi nango-Apreli: Abomagazini ISithalasokulinda ne-Phaphama! Newenza amabuyelo, yethula incwadi ethi Okufundiswa YiBhayibhili namtjhana nengabe kufanelana neentlhogo zomuntu, sebenzisa incwajana ethi, Lalela UZimu Uphile Ngokungapheliko, begodu ulinge ukuthoma isifundo seBhayibhili. NgoMeyi nangoJuni: Khambisa iphetjhana elithi Ungathabela Ukulazi Iqiniso? nanyana ngiliphi elinye iphetjhana ibandla okungenzeka linalo esitokweni. Nekabonise ikareko, mtjengise indlela isifundo seBhayibhili esingaragwa ngayo usebenzisa incwadi ethi, Okufundiswa YiBhayibhili namtjhana incwajana ethi, Lalela UZimu Uphile Ngokungapheliko.

◼ IsiKhumbuzo sizokubanjwa ngeLesibili, ngoMatjhi 26, 2013. Nengabe ibandla langekhenu ngokujayelekileko liba nemihlangano ngeLesibili, kufuze yenziwe ngelinye ilanga leveke nengabe abakho abazokusebenzisa iWolo LomBuso. Nengabe uMhlangano weKonzo angekhe ube khona, umthintanisi wesihlopha sabadala angenza ukutjhentjha ehlelweni ukwenzela bona iingcenye ezisebenza ngokukhethekileko ebandleni lenu kucocwe ngazo komunye umhlangano. Amabandla avakatjhelwe mbonisi okhambako imihlanganawo engeLesibili kufuze itjhidiswe ibe ngelinye ilanga hlangana nokukhanjelwa. Abadala kufuze bavakatjhele boke abarhuweleli abapholileko njengombana kwatjhiwo encwadini kaMeyi 23, 2010, eyatlolelwa zoke iinhlopha zabadala.

◼ Amabandla amathathu akuthabele ukunikela ngamaWolo womBuso wawo kuJehova. E-Eastern Cape: Ethembeni, Fair Field. EGauteng: Northcliff.