Khuyini Ozoyenza Ngesikhathi SamaHolideyi?

Ngebanga lokobana abantu abanengi baba sekhaya ngesikhathi samaholideyi wekolo newesitjhaba, kanengi lezi kuba ziinkhathi ezihle zokuhlanganyela ekonzweni. Amabandla akhuthazwa bona enze amalungiselelo akhethekileko wokufakaza ngeholideyi. Nengabe abanengi esimini bazivukela emini, kungaba kuhle bona kutjhentjhwe isikhathi somhlangano wekonzo yesimini. Kufuze kwenziwe isaziso emHlanganweni weKonzo ukwazisa ibandla ngananyana ngimaphi amalungiselelo akhethekileko wokufakaza ngeholideyi nokukhuthaza boke abangakghona bona bahlanganyele. Liqiniso, amaholideyi godu asinikela isikhathi sokuphumula namtjhana sokwenza izinto zakho mathupha. Kodwana kubayini ungabekeli eqadi ingcenye yelanga bona uye ekonzweni? Ngalokho uzokuthabela ukuqabuleka okufumana ngokuhlanganyela ekonzweni ecwengileko.​—Mat. 11:29, 30.