Ukuziphatha Okuhle Nehlonipho Kunemiphumela Emihle

Ngokujayelekileko, ukuziphatha okuhle kwabafazi abatjhadileko abamaKrestu ngikho okusiza amadodabo bona amukele iqiniso. Nanyana kunjalo, lokho kungatlhoga ukukghodlhelela iminyaka eminengi. (1Pt 2:21-23; 3:1, 2) Nangabe ukghodlhelela ukuphathwa kumbi, ragela phambili uhlula okumbi ngokuhle. (Rom 12:21) Ukuziphatha kwakho okuhle kungaba nemiphumela emihle.

Linga ukuzwisisa indlela umuntu otjhade naye azizwa ngayo. (Flp 2:3, 4) Yiba nezwelo nomusa, begodu yenza koke ongakghona ukukwenza bona udlale indimakho njengomfazi. Yiba silaleli esihle. (Jak 1:19) Bekezela, begodu uqinisekise umuntu otjhade naye bona uyamthanda. Ngitjho nanyana umuntu otjhade naye angakutjengisi umusa nethando, qiniseka ukuthi uJehova uyayibona imizamwakho yokuhlala uthembekile.—1Pt 2:19, 20.

BUKELA IVIDIYO ETHI, UJEHOVA USIPHA AMANDLA WOKUQALANA NEMIRARWETHU, BESE UPHENDULA IMIBUZO ELANDELAKO:

• Bekunjani ukuphila kwakaGrace Li nakaqeda ukutjhada?

• Yini eyamenza wafunda iqiniso leBhayibheli?

• UDade Li wazikghodlhelela njani iintjhijilo ngemva kokubhajadiswa?

• Khuyini uDade Li ayithandazelako ngobabakwakhe?

• Ngiziphi iimbusiso uDade Li azifumanako ngokuziphatha kwakhe okuhle nokuba nehlonipho?