Isizo Abafazi Abangaphathwa Kuhle Abangalifumana
“IINGIDIGIDI zabafazi nabentazana ephasini loke ziyatlhoriswa. Kghani ungomunye wabo? Fumana ukuthi kubayini ukuvikeleka kwakho kuqakathekile kuZimu nokuthi khuyini azoyenza ngabantu abaphatha kumbi abafazi.”
Le yindlela isihloko esithi, “Ukuphepha Kwabesifazane—Umbono WeBhayibheli” esiku-Jw.org esithoma ngayo. I-link esekugcineni kwesihlokwesi ikuvumela ukuthi udawnilode i-PDF, ongakghona ukuyigadangisa, uyisonge ibe ziingcenye ezine zamaphepha. U-Stacy udadwethu we-United States uthi: “Ngenza amakhophi wesihlokwesi, sinodade omunye sawayisa endaweni lapho kuhlala khona abafazi abaqalene nokugandeleleka ngebanga lokutlhoriswa.”
Esinye isisebenzi sabuza ukuthi, inga-kghani akhona amanye amakhophi wesihlokwesi esingawanikela abanye abantu abahlala endaweni le? Umphumela waba kukuthi, kwakhanjiswa amaphetjhana angaphezu kwama-40 kuhlanganise namakarada ama-30 we-jw.org. Ngokukhamba kwesikhathi, umphathi wendawo le bekafuna abofakazi batjengise abafazi ebebahlala lapho ukuthi bangalifunda njani iBhayibheli.
U-Stacy nabanye abodadwethu ababili bafumana umphumela ofanako endaweni ethileko, lapho bamukela khona amakhophi amahlanu wencwajana bebabawa namanye. Esinye isisebenzi sathi: “Amaphetjhana la azokusiza abafazi abanengi abahlala la.” Wangezela wathi: “Siyakutlhoga lokhu.” Abodadwethu nababuyela endaweni le, abanye babafazaba bebafuna ukubona ukuthi isifundo seBhayibheli siragwa njani begodu ababili babo bathi bangakuthabela ukuza eWolweni lomBuso ngepelaveke elandelako.
U-Stacy uthi: “Kusithabisa khulu indlela abantu ebebathabe ngayo nabafumana isihloko esihlesi. Isihlokwesi nasigadangisiweko namakhasaso asongwe kuhle, kuba yindlela ekarisa kwamambala yokufundisa ngomlayezo womBuso ebantwini abakhethekilekwaba. Kwasithinta khulu ukubona indlela abantu ebebathabe ngayo ukufumana iindabezi. Siqale phambili ngethabo ukubona indlela uJehova azosisekela ngayo njengombana siraga nokutjhumayela iindaba ezimnandi ebafazinaba.”