‘Niwahloniphe’ Amadoda Athandekako La
KUSUKELA ngo-1992 isiHlopha esiBusako sabele abadala abavuthiweko nesele kukade bayibambile bona basize amakomidi waso. Lokho kwenza amakomidi la awenze kuhle umsebenzawo.a (Qala ikwekwezi engenzasi.) Okwanje, abasizaba bamalunga ‘wezinye izimvu,’ kodwana balisizo khulu esiHlopheni esiBusako. (Jwanisi 10:16) Baba nomhlangano waqobe veke emakomidini ababelwe kiwo. Indimabo lapho kukuthi beze nemininingwana etlhogekako bebaveze wabo umbono ngendlela izinto okufuze zenziwe ngayo. Kodwana emaswapheleni, amalunga wesiHlopha esiBusako ngiwo athatha isiqunto. Bese abasizaba ngibo abaqalako bona isiquntweso siyalandelwa. Bazimisele ukwenza nanyana yini ababelwe yona. Baphekelela amalunga wesiHlopha esiBusako emihlanganweni emikhulu nekhethekileko. Bangabelwa nokobana bavakatjhele amaBethel njengabajameleli bemzimkhulu wethu.
Omunye umzalwana obekasolo amsizi wesiHlopha esiBusako kusukela ngo-1992 uthi: “Ukwenza umsebenzi engabelwe wona kwenza isiHlopha esiBusako sidzimelele khulu ekwakheni ukukholwa kwethu.” Omunye umzalwana osekaneminyaka eyi-20 amsizi uthi yena: “Ilungelweli lidlula nanyana ngiliphi engakhe ngalicabanga.”
IsiHlopha esiBusako sibathwese umthwalo omkhulu okufuze bawutlhogomele, begodu siyawuthokoza umsebenzabo obudisi njengombana bathembekile nje. Yeke ‘asibaphathe ngehlonipho’ abazalwana abathandekakwaba.—Filipi 2:29.
a Qala ikhasi 131 lencwadi ethi UmBuso KaZimu Uyabusa! nawufuna ukwazi okunabileko ngemisebenzi eyenziwa makomidi asithandathu wesiHlopha esiBusako.