Kazi ukutlhaga kuzakhe kuphele?

OKUTJHIWO YIBHAYIBHELI

“UZimu . . . uzakusula zoke iinyembezi emehlwenabo, angekhe kusaba khona ukufa, ukutlhaga, ukulila nofana ubuhlungu.”—IsAmbulo 21:3, 4, Contemporary English Version.

ONGAKUZUZA KILOKHO

Siqinisekiso sokobana uZimu akusuye obangela imiraro esiqalene nayo.—Jakopo 1:13.

Kududuzeka kokwazi bona uZimu uyayizwisisa indlela esizizwa ngayo nesitlhagako.—Zakariya 2:8.

Lithemba lokuthi koke ukutlhaga kuzokuphela.—IRhubo 37:9-11.

KGHANI SINGAKUKHOLELWA KWAMAMBALA OKUTJHIWO YIBHAYIBHELI?

Iye, nganaka amabanga amabili:

• UZimu ukuhloyile ukutlhaga nokungabi nabulungiswa. Cabangela indlela uJehova azizwa ngayo lokha abantu bakhe bangeenkhathi zeBhayibheli ebebatlhagiswa ngayo ngelunya. IBhayibheli lithi bekagandelekile ngebanga lalabo “ebebabarathisa babatjharhathisa nenarha.”—AbaKhokheli 2:18, New World Translation.

  UZimu akazwani nabantu abalimaza abanye. Ngokwesibonelo, iBhayibheli liveza bona uZimu uyazinyenya “izandla eziphalaza iingazi ezimsulwa.”—IzAga 6:16, 17.

• UZimu ukhathalela umuntu ngamunye. Akusi babantu kwaphela abazi ‘imitlhago namatshwenyeko’ wabo, kodwana noJehova uyakwazi lokho!—2 IinKronike 6:29, 30.

  NgomBuso wakhe, uJehova uzokuqeda ukutlhaga emntwini ngamunye. (Matewu 6:9, 10) Okwanje, ubatjhiriya ngomusa labo abamfuna kwamambala.—IzEnzo 17:27; 2 Korinte 1:3, 4.