IMIBUZO YEBHAYIBHELI IYAPHENDULWA
Kghani singalazi iqiniso ngoZimu?
Kubayini uZimu afuna sazi iqiniso? Funda uJwanisi 17:3
UZimu bekasolo akhulumisana nabantu. Bekasebenzisa umoyakhe ocwengileko, omamandlakhe, bona asize abatloli beBhayibheli batlole akutjhoko. (2 Pitrosi 1:20, 21) Lokha nasifunda iBhayibheli, singakghona ukwazi iqiniso ngoZimu.—Funda uJwanisi 17:17; 2 Thimothi 3:16.
UZimu usitjela izinto ezinengi ngaye eBhayibhelini. Usitjela ukuthi kubayini adale abantu, yini azoyenzela abantu, nokuthi ufuna siphile njani. (IzEnzo 17:24-27) UJehova ufuna sazi iqiniso ngaye.—Funda 1 Thimothi 2:3, 4.
Kubayini uZimu amukela abathandi beqiniso?
UJehova unguZimu weqiniso, wathumela iNdodanakhe, uJesu, bona izokufundisa iqiniso ngaye. Yeke, abathandi beqiniso badoseleka kuJesu. (Jwanisi 18:37) UZimu ufuna abantu abanjalo bona babe bakhulekeli bakhe.—Funda Jwanisi 4:23, 24.
USathana uDeveli urhatjha iindaba ezimamala ngoZimu, ngalokho avimbele abantu ekwazini iqiniso ngoZimu. (2 Korinte 4:3,4) Abantu abangakuthandi okuhle badoseleka eemfundiswenezi ezimamala. (Roma 1:25) Kodwana iingidi zabantu abathembekileko zifunda iBhayibheli zifumane iqiniso ngoZimu.—Funda IzEnzo 17:11.