Khuyini Esingayipha UJehova?

UJesu wathi: “Ukupha kuthabisa khulu ukudlula ukwamukela.” (IzE. 20:35) Nasizakwenza njalo kufanele sibe nobuhlobo obuhle noJehova. Sikutjhwiso yini lokho? UJehova usipha izinto ezinengi ezisithabisako, kodwana okungasithabisa khulu kumupha okuthileko. Alo khuyini esingayipha uJehova? IzAga 3:9 zithi: ‘Hlonipha uSomnini ngomnonwakho.’ Umnonwethu uhlanganisa isikhathi, amakghonwethu, amandlethu nezinto esinazo. Nasisebenzisa izinto esinazo bona silotjhe uZimu sisuke simupha lokho esinakho begodu ukwenza njalo kuzosithabisa khulu.

Khuyini engasisiza siphe uJehova esinakho? Umpostoli uPowula watjela amaKrestu weKorinte ukuthi kufuze ‘abekele ngeqadi okuthileko’ azokunikela ngakho. (1 Kor. 16:2) Alo ungazi njani ukuthi ngiziphi iindlela onganikela ngazo endaweni yangekhenu? Sibawa uqale ibhoksi nanti.

Kwezinye iindawo akukghonakali ukunikela nge-inthanethi. Kodwana ezinye iindlela zokunikela ziyafumaneka ekhasini leminikelo. Kungebangelo kwezinye iinarha kunekhasi eliphendula imibuzo evame ukubuzwa ngeminikelo.