Ijima Lokumemela Abantu ESikhumbuzweni Lithoma NgoMatjhi 17
1. Ngiliphi ijima elizokuthoma ngoMatjhi 17?
1 ISikhumbuzo saqobe mnyaka simemezela ukufa kwakaJesu. (1 Kor. 11:26) Ngalokho, sifuna abanye bahlanganyele nathi begodu bezwe ngesipho sakaJehova sethando sesihlengo. (Jwa. 3:16) Umnyaka lo ijima lokumema abantu bona beze eSikhumbuzweni lizokuthoma ngoMgqibelo, Matjhi 17. Uqale phambili ekuhlanganyeleni ngokuzeleko?
2. Singathini nesikhambisa isimemo?
2 Esingakutjho: Kungcono ukuba netjumayelo efitjhani. Singathi: “Lotjha. Sizokumema umndenakho esikhumbuzweni esiqakathekileko saqobe mnyaka esizokubanjwa ngo-Apreli 5. Kuzokunikelwa ikulumo yeBhayibhili yasimahla ezokuhlathulula bona ukuhlongakala kwakaJesu kwafezani nokobana wenzani nje. Isimemwesi sitjengisa isiphande nesikhathi somhlangano wesikhumbuzo ozokubanjelwa emphakathini wethu.” Nesihlanganyela ekukhambiseni iimmemo ngepelaveke, kufuze godu sikhambise nabomagazini nekufanelekako.
3. Singabamema njani abanengi ngendlela esingakghona ngayo?
3 Mema Abanengi Ngendlela Ongakghona Ngayo: Umnqophwethu kumema abanengi ngendlela esingakghona ngayo. Ngalokho qiniseka bona uyazimema iimfundo zakho zeBhayibhili, amabuyelo, iinhlobo, osebenza nabo, ofunda nabo, abomakhelwana, nabanye. Abadala bebandla lenu bazokunikela iinqophiso zokobana izokuhlanganiswa njani isimenu. Ijima lethu laqobe mnyaka lokumemela abantu eSikhumbuzweni lineemphumela. Ngomnyaka ogadungileko umfazi othileko nekangena endaweni yomhlangano, umlindi wafuna ukumsiza afumane umrhuweleli ommemileko. Nokho, umfazi lo wathi gade angazi noyedwa lapho nokobana ufumane isimemo komunye obekangena umuzi nomuzi ekuseni ngelangelo.
4. Ngimaphi amabanga wokuhlanganyela ngetjiseko ejimeneli?
4 Mhlamunye omunye kwabeze eSikhumbuzweni uzabe eze ngebanga lesimemo esitjhiywe nguwe. Kungakhathaliseki bona othileko uyasabela namtjhana awa, iimzamwakho yekuthalo izokunikela ubufakazi. Iimmemo ozikhambisako zizokumemezela bona uJesu kwanje uyiKosi enamandla. Ukuhlanganyela kwakho ngetjiseko kuzokutjengisa boke abatjhejileko—abasesimini, abarhuweleli okunye nabo, begodu okuqakatheke khulu, uJehova—bona usithokozela ngokudephileko isipho sesihlengo.—Khol. 3:15.