Iintjumayelo Ezizimbonelo

Ukuthoma Iimfundo ZeBhayibhili NgoMgqibelo Wokuthoma KaMeyi

“Wakhe wazibuza bona kungakghoneka ngathi njengombana sizizoni sibe nobuhlobo obuhle noZimu? [Lindela ipendulo.] Akhe ngikutjengise indaba nasi ekarisako.” Nikela umninimuzi ISithalasokulinda, saka-Apreli-Juni begodu nicabangele ndawonye indaba engaphasi kwesihlokwana sokuthoma ekhasini 16 nifunde okunganani munye weemtlolo. Khambisa umagazini, uhlele nokubuya nizokucoca ngombuzo olandelako.

ISithalasokulinda Apreli-Juni

Abantu abanengi bakholelwa bona uJesu nguZimu. Ucabangani? [Lindela ipendulo.] Tjheja lokho uJesu akutjhoko yena ngokwakhe malungana nobuhlobo bakhe noZimu. [Funda uMatewu 27:46.] Ngokumbiza “Zimami” uJesu watjengisa bona akakahlangani noZimu begodu mncani kuye. Umagazini lo ubufakazi obungokomtlolo obungeziweko obutjengisa bona uJesu akasinguZimu.”

Phaphama! Meyi

“Pheze woke umuntu esikhuluma naye wakhe waphathwa ngokunganabulungiswa ngesikhathi esithileko. Ucabanga bona sikhona na isisombululo sokungabi nabulungiswa? [Lindela ipendulo.] Tjheja isiporofido esimalungana nombusi ozokuqeda ukungabi nabulungiswa. [Funda IRhalani 72:11-14.] Umagazini lo ukhuluma ngeenthembiso zeBhayibhili ngokungeziweko malungana nengomuso elinobulungiswa.”