Young People Ask—What Will I Do With My Life? (Part 1)
Njengombana ilutjha likhulela ebudaleni, kufuze lenze iinqunto eziqakathekileko. Bona lisizwe, kulungiselelwe ividiyo ethi, Young People Ask—What Will I Do With My Life? Newudlalisa i-DVD, gandelela ingcenyana ethi Play Drama, bese ubone bonyana ungayiphendula na imibuzo esesigabeni 2. Ngemva kwalokho, gandelela ingcenyana ethi Interviews bese ukhetha ethi Looking Back, bese ulinga ukuphendula imibuzo esesigabeni 3.
IDrama: (1) Kungaziphi iindlela ubujamo bakaThimothi bufana nebelutjha elinengi elimaKrestu namhlanjesi? (2) U-Andre wagandelelwa njani bona abe yikutani kezemidlalo? (3) Khuyini umZalwana uFleissig ayitjho ku-Andre (a) ngokuzinikela kuJehova nakezemidlalo ngesikhathi esifanako? (Mat. 6:24) (b) ngomthombo wethabo lamambala? (c) ngalokho isikotlelo sakhe sokudla sekampeni yokutlhoriswa ebesimkhumbuza khona? (d) ngabantu abanaye nomkakhe esithombeni? (e) ngokobana uyazisola na ngokudela amabhudangwakhe? (Fil. 3:8) (4) Ugogo ka-Andre wawuphendula njani umbuzwakhe othi, “Akukalungi na bona ngifune ukuba yikutani kezokugijima?” (Luka 4:5-7) (5) Kghani ukuthumba ephaliswaneni lokugijima kwalethela u-Andre ukwaneliseka kwamambala? (6) Khuyini ekukarileko ngencwadi umZalwana uFleissig ayitlolela u-Andre ngaphambi kobana ahlongakale? (IzA. 10:22) (7) Khuyini umZalwana uFleissig asiza u-Andre bona ayifumane?
UkuKhumbula Okwenzekako: (8) Ngimaphi amabizelo omunye umzalwana nodade egade balwela ukuwafikelela begodu kubayini? (9) Gade sele baphumelele kangangani kiwo? (10) Izinto zatjhentjha nini ekuphileni komuntu ngamunye? (2 Kor. 5:15) (11) Ngimiphi imisebenzi engokwezulwini abayenza esikhundleni semisebenzi yangaphambili, begodu kubayini bebangekhe bakghone ukulwela ukuzifumana zombili? (12) Kghani bazisola na ngokutjhentjha iminqopho yabo ekuphileni? (13) Yini abayitjho ekusize ngokukhethekileko bona ucabange ngalokho okufuze ukwenze ngokuphila kwakho?
Sibawa ubukele ezinye iingcoco nokwaziswa okungezelelweko, begodu ukulungele ukukukhulumela nekucocwa ngakho emHlanganweni weKonzo ngeveke ezako.