Khulumela Isihloko Sinye, Kodwana Ubakhambise Bobabili Abomagazini
Boke abomagazini bethu bamumethe iinhloko ezihlukahlukeneko ezikarisako. Kunokobana silinge ukukhulumela iinhloko ezinengi emzini ngamunye, ngokuvamileko kungaba kuhle ukukhulumela munye. Nesitjhejako begodu sikwazi kuhle okumumethwe bomagazini, singakhetha okuthileko ku-Sithalasokulinda nofana ku-Phaphama! okuzokukara umninimuzi. Ngokwesibonelo, nesibona amathoy’si wabantwana wokudlala ekhaya, singakhetha ukudzimelela esihlokweni esikhuluma ngokuphila komndeni. Nesifumana indoda ekhaya, singaqunta ukukhuluma ngesihloko amadoda amanengi angaba nekareko kiso, njengorhulumende omuhle. Nanyana singakhulumela isihloko sinye, ngokuvamileko kufuze sibakhambise bobabili nengabe umninimuzi utjengisa ikareko.