Ukuthuthukisa Amakghonwethu Ekonzweni—Ngokuba Mkhambisani Olisizo

Okwenza Kuqakatheke: UJesu wabona ukuqakatheka kokutjhumayela nomkhambisani. Ngalokho nakathuma abafundi bakhe abama-70 bona bayokutjhumayela, wabathuma ngababili. (Luk. 10:1) Umkhambisani anganikela isizo nesekelo elitlhogekako nengabe umrhuweleli akunye naye uhlangabezana nobujamo obubudisi nofana angazi bona amphendule njani umninimuzi. (UmTj. 4:9, 10) Angatjho okuhlangabezanwe nakho kwakhe nofana ngezinye iinkhathi anikele isiphakamiso esingaba lisizo kiloyo akhamba naye bona abe mtjhumayeli ophumelela khudlwana. (IzA. 27:17) Godu angakhuthaza akhamba naye ngokucoca ngezinto ezakhako njengombana baya emzini.—Flp. 4:8.