Ukuthuthukisa Amakghonwethu Ekonzweni—Ukuthoma Isifundo SeBhayibheli Ujame Emnyango Usebenzisa Incwajana Ethi, Iindaba Ezimnandi Ezivela KuZimu!
Okwenza Kuqakatheke: Nasizakwenza abafundi, kufuze sibe bafundisi beliZwi lakaZimu. (Mat. 28:19, 20) Soke singakwazi ukufundisa iqiniso ngendlela ephumelelako ngokusebenzisa ithulusi esinikelwe lona. Incwajana ethi, Iindaba Ezimnandi Ezivela KuZimu! yenzwe ngokukhethekileko kobana isisize sifundise abanye iqiniso. Eqinisweni, singayisebenzisa nokuthoma isifundo seBhayibheli nomninimuzi evakatjhweni lokuthoma sijame emnyango.
Linga Naku Phakathi Nenyanga:
Thandazela isifiso sokuraga isifundo. Okhunye godu, ncenga uJehova akusize ukuthoma isifundo seBhayibheli ukwazi nokuba mfundisi weqiniso ophumelelako.—Flp. 2:13.
Hlangana nokukhulekela komndeni namkha esifundweni sakho mathupha, thatha isikhathi sakho ufunde itjumayelo bewuyazi ngehliziyo. Lokho kuzokwenza ukwazi ukukhuluma ngokukholisako, uthome nesifundo seBhayibheli ujame emnyango nawusekonzweni yesimini.