Ukulalela Izinto Ezirekhodiweko—Indlela Ongazisebenzisa Ngayo
1. Ngaphezu kweencwadi ezitloliweko, ngiliphi ilungiselelo elizuzisako esinalo?
1 Inengi liyakuthabela ukusebenzisa i-jw.org bona lifunde amezwi afaneleko naliqiniso. (UMtj. 12:10) Nanyana kunjalo, sewusenzile na isikhathi sokuthi ulalele izinto ezirekhodiweko? Kuyakghoneka ukuthi ulalele imininingwana emnengi kuzinzolwazi lethu. Ukulalela izinto ezirekhodiweko kungasizuzisa njani?
2. Singazisebenzisa njani izinto ezilalelwako esifundweni somuntu mathupha nekuKhulekeleni komNdeni?
2 Esifundweni Somuntu Mathupha NekuKhulekeleni KomNdeni: Ukulalela izinto ezirekhodiweko eziseBhayibhelini, abomagazini, nofana iincwadi nasikhambako namkha nasenza imisebenzi yangamalanga kungasisiza sisisebenzise kuhle isikhathi sethu. (Efe. 5:15, 16) Singangezelela izinto ezihlukahlukeneko ekukhulekeleni komndenethu ngokulalela indaba efundwako sikhambisane nayo encwadinethu. Ukulalela izinto ezirekhodiweko phakathi nesifundo somuntu mathupha kungaba lisizo khulukhulu nangabe sithanda ukuthuthuka endleleni esifunda ngayo elinye ilimi.
3. Esimini yethu bobani abangazuza ngokulalela izinto ezirekhodiweko?
3 Esimini: Abantu abasesimini yethu bacabanga ukuthi bamajadu khulu ukuthi bangafunda, kungenzeka bathande ukulalela izinto ezirekhodiweko. Mhlamunye sihlangana nalabo abakhuluma ilimi elihlukileko begodu okungenzeka basilalele nange bezwa umlayezo womBuso “ngelimi lekhabo.” (IzE. 2:6-8) Kezinye iindawo, ukulalela kulisiko eliqakatheke khulu. Ngokwesibonelo, kulisiko lamaHmong ukudlulisa umlandwabo esizukulwaneni esitjha begodu bayakghona ukuyibamba kuhle ngehloko imininingwana abayizwileko. Inengi labantu be-Afrika liyakuthabela ukucocelwa indaba.
4. Ngimiphi imibuzo esingazibuza yona ngokusiza abantu abasesimini yethu?
4 Esimini yangekhenu, kghani kuyazuzisa na ukudlala irekhodi elalelwako ngelimi umninimuzi alikhulumako? Kghani othileko kungenzeka azuze ngokulalela incwadi erekhodiweko esimthumelele yona nge-email? Kghani singakghona na ukudawnlodela incwadi erekhodiweko ku-CD bese siyinikela umninimuzi onekareko, mhlamunye nencwadi egadangisiweko? Incwadi epheleleko yesisetjenziswa se-elekthroniki, incwajana, umagazini, namkha iphetjhana esilinikele umuntu othileko esimini, koke lokhu singakubala ukuthi sikukhambisile. Izinto ezilalelwako ezirekhodiweko zenzelwe thina ukuthi sizisebenzise esifundweni sethu mathupha begodu sitjale imbewu yomBuso yeqiniso.—1 Kor. 3:6.