Ukuthuthukisa Amakghonwethu Wokutjhumayela—Indlela Esingasebenzisa Ngayo I-JW.ORG

OKWENZA KUQAKATHEKE: Zoke iincwadi ezisemaThulusinethu wokuFundisa zikusa ku-jw.org. Kuhlekuhle, umnqopho oyihloko wekarada lokumema kunye nephetjhana elithi, Singazifumanaphi Iimpendulo Zemibuzo Eqakatheke Khulu Epilweni? kunqophisa abantu kuzinzolwazi lethu. Singasebenzisa i-jw.org ukukhambisela othileko incwadi esemaThulusinethu wokuFundisa ngokumthumelela ikhophi nge-email namkha ngokumthumelela i-link. Lokho kungaba lisizo khulu nawutjhumayeza umuntu okhuluma elinye ilimi. Ngaphezu kwalokho, abantu bangabuza imibuzo efuna iimpendulo ezingekho emaThulusinethu wokuFundisa. Nasingajayela ukungena ku-jw.org, sizokuphumelela khudlwana emsebenzinethu wokutjhumayela.

INDLELA ESINGAKWENZA NGAYO:

• 

  Gandelela ingcenye ethi, “IZIMFUNDISO ZEBHAYIBHELI.” Akhesithi utjhumayeza umbelethi ongathanda ukwazi ngokunabileko ngendlela efaneleko yokukhulisa abantwana. Ngena ngaphasi kwesithi IZIMFUNDISO ZEBHAYIBHELI > UMSHADO NOMNDENI.

• Gandelela ingcenye ethi, “IINCWADI.” Akhesithi utjhumayela ngokungakahlelwa esikolweni begodu ufuna ukutjengisa umfundi incwajana ethi Iimpendulo Ezili-10 Zemibuzo Yabantu Abatjha. Ngena ngaphasi kwesithi IINCWADI > IINCWADI NEENCWAJANA.

• Gandelela ingcenye ethi, “UKWAZI NGATHI.” Akhesithi utjhumayeza umuntu osebenza naye ongathanda ukwazi kafitjhani ngeenkolelo zethu. Ngena ngaphasi kwesithi UKWAZI NGATHI > OKUBUZWAKO NGABOFAKAZI BAKAJEHOVA.

BUKELA IVIDIYO ETHI, INDLELA ESINGASEBENZISA NGAYO I-JW.ORG, BESE UKHETHA INDAWO ONGAYA KIYO KUZINZOLWAZI BONA UFUMANE ISIZO:

• umuntu ongakholelwa kuZimu

• umuntu ovelelwe yihlekelele

• umfowethu namkha udadwethu opholileko

• ukubuyela kothileko ofuna ukwazi bona usekelwa njani umsebenzethu wokutjhumayela

• umuntu wakwenye inarha ofuna ukuya emhlanganweni enarheni yekhabo