Singasilungiselela Njani IsiKhumbuzo?

Ekuthomeni komnyaka lo, sizokuba nesikhathi esinengi sokulungiselela isiKhumbuzo sokufa kwakaKrestu. Nangabe isiKhumbuzo sizokuba phakathi kweveke, uMhlangano wePilo Nomsebenzi angekhe ube khona ngeveke leyo. Nangabe isiKhumbuzo singepela veke, umhlangano wekulumo yenengi nowesiThala angekhe ube khona. Uzosisebenzisa kuhle na isikhathesi? Njengesikhathini sabapostoli, kufuze kwenziwe amalungiselelo akhethekileko wesenzakalwesi. (Luk 22:7-13; km 3/15 1) Kodwana soke kufuze silungiselele iinhliziyo zethu. Singakwenza njani lokho?

• Cabanga ngokuqakatheka kokuba khona esenzakalwenesi. —1Ko 11:23-26

• Thandaza begodu ucabangisise ngobuhlobo bakho noJehova. —1Ko 11:27-29; 2Ko 13:5

• Funda begodu uzindle ngemiTlolo ekhuluma ngendaba yesiKhumbuzo.—Jwa 3:16; 15:13

Abanye abarhuweleli bafunda begodu bazindle ngokufundwa kweBhayibheli kwesiKhumbuzo okusencwadini ethi, Ukuhlolisisa Imitlolo Qobe Langa. Abanye basebenzisa ihlelo elikhambisana netjhadi. Abanye bafunda amavesi weBhayibheli avela etjhadini. Abanye babuyekeza iinhloko zesiThala ezikhuluma ngesiKhumbuzo nangethando uJehova noJesu abasitjengise lona. Nanyana ngiyiphi indlela okhetha ukuyisebenzisa, kwangathi ingakwenza uhlale utjhidelene noJehova neNdodanakhe.