Yenza Ukufunda Kwakho IBhayibheli Kuzuzise

OKWENZA KUQAKATHEKE: Ukufunda iliZwi lakaZimu kusisiza bona ‘sizwisise ngokuzeleko ububanzi, ubude, ukuphakama nokutjhinga’ kweqiniso. (Efe 3:18) Begodu kusisiza sihlale simsulwa singabi nomlandu ephasini elimbi nokobana ‘silibambe ngokuqinileko ilizwi lokuphila.’ (Flp 2:15, 16) Ukufunda iliZwi lakaZimu kusinikela ithuba lokubona izinto esitlhoga ukuthuthukisa kizo. Singenza njani bona sizuze ngendlela esingakghona ngayo esikhathini esisisebenzisela ukufunda iBhayibheli?

INDLELA ESINGAKWENZA NGAYO:

• Nawufunda iBhayibheli thalela amavesi bewutlole amaphuzu, lokho ungakwenza ephepheni, ku-tablet namkha kufunjathwako

• Zibuze imibuzo le njengombana ufunda iliZwi lakaZimu: ‘Ngubani? Yini? Nini? Kuphi? Kubayini? Njani?’

• Thola amaqiniso. Usebenzisa amathulusi wokurhubhulula esinawo, funa isihloko namkha ivesi leBhayibheli

• Cabangisisa ngalokho okufundako ukubona ukuthi indaba le ingakusiza njani

• Sebenzisa okufundako ekuphileni kwakho.—Luk 6:47, 48

BUKELA IVIDIYO ETHI, ‘BAMBELELA NGOKUQINILEKO’—EKUFUNDENI IBHAYIBHELI NGOKUPHUMELELAKO, BESE UPHENDULA IMIBUZO ELANDELAKO:

• Abanye basihlathulule njani isifundo sabo seBhayibheli?

• Kubayini kufuze sithome ngokuthandaza nasifunda iBhayibheli?

• Khuyini engasisiza sizwisise indaba esiyifunda eBhayibhelini?

• Ngimaphi amatshwayo esingawasebenzisa nasifunda iBhayibheli?

• Kubayini ukuzindla kuqakathekile nasifunda iliZwi lakaZimu?

• Kufuze senzeni ngalokho esikufundako?