IliZwi LakaZimu Liligugu Kangangani Kuwe?

IBhayibheli linemicabango namezwi kaJehova uZimu, omTloli wencwadi ecwengileko le. (2Pt 1:20, 21) Ngokugandelela ukulwelwa kobukhosi bakaZimu ngokusebenzisa umBuswakhe, iBhayibheli linikela boke abantu ithemba lokuphila okungcono khulu okuzokufika ingasi kade. IBhayibheli lisambulela ubuntu obuthandekako bakaBabethu wezulwini, uJehova.—IR 86:15.

Ngamunye wethu uthanda iliZwi lakaJehova ngamabanga ahlukahlukeneko. Kodwana siyatjengisa na bona silithatha njengesipho esiligugu ngokulifunda qobe lilanga begodu silisebenzise ekuphileni kwethu? Kwangathi izenzo zethu zingatjengisa ukuthi sizizwa ngendlela efanako neyomrhubi owathi: “Maye, ngiyawuthanda umthethwakho!” —IR 119:97.

DLALA IVIDIYO ETHI, IBHAYIBHELI BELILIGUGU KIBO—ISIQETJHANA SEVIDIYO (WILLIAM TYNDALE), BESE UPHENDULA IMIBUZO NASI:

• 

  Kubayini uWilliam Tyndale watjhugulula iingcenye zeBhayibheli?

• Kubayini imizamwakhe yokutjhugulula iBhayibheli iqakathekile?

• Amakhophi weBhayibheli kaTyndale afika njani e-England?

• Ngamunye wethu angatjengisa njani ukuthi iliZwi lakaZimu liligugu?