Khuyini Ongayifunda Eengomeni Ze-JW Broadcasting®?

Ngiziphi iingoma ze-JW Broadcasting^® ozithandako? Kubayini uzithanda? Kghani amavidiyo weengomezi atjengisa indlela esiphila ngayo qobe lilanga? Indlela amavidiyo neengomezi ezenziwe ngayo, zikghona ukuthabisa imihlobo yoke yabantu. Nanyana kunjalo, iingomezi namavidiyo akusingezokuzithabisa kwaphela.

Ingoma ngayinye isifundisa isifundo esingasisebenzisa ekuphileni kwethu kobuKrestu nalokha nasitjhumayelako. Ezinye iingoma zikhuluma ngokwamukela iimvakatjhi, ukubumbana, ubungani, isibindi, ithando nofana ukukholwa. Ezinye zikhuluma ngokubuyela kuJehova, ukulibalela, ukuhlala sithembekile nokuzibekela imigomo yokulotjha uJehova isikhathi esizeleko. Kunengoma esikhuthaza ukuthi singamsebenzisa njani ufunjathwako ngokulinganisela. Ngiziphi ezinye iimfundo ozifundileko eengomeni ze-JW Broadcasting^® ongazisebenzisa ekuphileni kwakho?

BUKELA IVIDIYO YENGOMA ETHI, JUST AROUND THE CORNER, BESE UPHENDULA IMIBUZO ELANDELAKO:

• Abatjhadikazi abakhulileko bacabanga ngaziphi iimbusiso zangomuso?—Gen 12:3

• Khuyini esingayenza bona siqiniseke ukuthi uJehova uzozizalisa iinthembiso zakhe?

• Bobani esizokuthabela ukuhlangana nabo kungasi kade?

• Ithemba esinalo ngengomuso lisisiza njani bona sikghodlhelele iintjhijilo nemiraro esinayo nje?—Rom 8:25