Indlela Yokusebenzisa Iintjumayelo Ezisibonelo

Iintjumayelo ezisibonelo zathoma ukuvela ngoJanabari 2018, esigubuzesweni esingaphambili sencwajana ethi, Ipilo Nomsebenzi WobuKrestu—Ihlelo Lomhlangano Webandla. Singazisebenzisa njani?

Nawabelwe Ikulumo: Kufuze usebenzise umbuzo, umtlolo nombuzo ozowuphendula nawubuyelako oseentjumayelweni ezisibonelo. Nanyana kunjalo, akutjho ukuthi kufuze ukhulume amezwi asetjumayelweni yevidiyo esibonelo njengombana anjalo. Kungaba bujamo obuhlukileko, esinye isethulo, ukuphendula ngendlela ehlukileko nokhunye. Ungakhambisa nencwadi esemaThulusinethu wokuFundisa ngitjho nanyana lokho kungaveli eenqophisweni zesabelo sakho.

Nawusesimini: Iintjumayelo ezisibonelo zenzelwe ukuthi zisisize. Nangabe umuntu ubonakala akuthanda ukufunda begodu ufuna ukwazi okungeziweko singaragela phambili nekulumiswano, mhlamunye ungasebenzisa itjumayelo esibonelo ngaphasi kwesithi nawubuyelako. Ungayenza ngendlela yakho itjumayelo esibonelo namkha usebenzise okhunye okuhlukileko. Mhlamunye ungasebenzisa itjumayelo esibonelo yenyanga edlulileko nofana ekhambelana nobujamo abantu endaweni yangekhenu abaqalene nabo? Kghani abantu endaweni yangekhenu batshwenyeke ngento eqeda ukwenzeka? Ungasebenzisa iintjumayelo ezisibonelo ngeendlela ezihlukileko. Kodwana umnqophwakho kufuze ube kukwenza ‘zoke izinto ngebanga leendaba ezimnandi, bona uzihlanganyele nabanye.’—1Ko 9:22, 23.