Sitjengisa Ithando Ngokusekela Ukukhalinywa NguJehova

Ukususwa komuntu ekuhlanganyeleni kuvikela ibandla begodu kukhalima isoni esingaphendukiko. (1Ko 5:6, 11) Nasisekela isiquntweso sitjengisa ithando. Nanyana ukususwa komuntu ekuhlanganyeleni kuzwisa ubuhlungu kangaka, kubayini kusisenzo sethando?

Ngaphezu kwalokho, sitjengisa ukuthi sithanda uJehova neenkambiso zakhe zokucwengeka. (1Pt 1:14-16) Sitjengisa nokuthi siyamthanda umuntu osusiweko. Nanyana ukukhalinywa kubuhlungu kuletha “isithelo sokuthula esikulunga.” (Heb 12:5, 6, 11) Nasizihlanganisa nabantu abasusiweko namkha abazihlukanisileko sitjengisa ukungasihloniphi isiyalo sakaJehova. Khumbula ukuthi uJehova ukhalima abantu “ngeswazi elincani.” (Jor 30:11) Kufuze sihlale simajadu ekuqiniseni ubuhlobo bethu noJehova, sinethemba lokuthi bazokubuya balotjhe uJehova godu.—Isa 1:16-18; 55:7.

BUKELA IVIDIYO ETHI, ZIMISELE UKUHLALA UTHEMBEKILE NAWULOTJHA UJEHOVA, BESE UPHENDULA IMIBUZO ELANDELAKO:

• 

  Ababelethi bezwa buphi ubuhlungu lokha umntwanabo nakalisa ukulotjha uJehova?

• 

  Ibandla lingawasekela njani amalunga womndeni athembekileko?

• 

  Ngiyiphi indaba eseBhayibhelini etjengisa ukuthi ukuthanda uJehova kuqakatheke ukudlula umndeni?

• 

  Singatjengisa njani ukuthi ukuthembeka kuJehova kuqakatheke ukudlula ukuthembeka emndenini?