Siza Abantu Ofunda Nabo IBhayibheli Babe Netjhebiswano Elihle NoJehova

UJehova ufuna simlotjhe ngombana simthanda. (Mat 22:37, 38) Ukuthanda uJehova kuzokusiza abantu esibafundelako bona benze amatjhuguluko begodu bahlale baqinile nakuvela iintjhijilo. (1Jw 5:3) Ukuthanda uZimu ngikho okuzobakhuthaza ukuthi babhajadiswe.

Siza umuntu omfundelako abone ukuthi akufundako kutjengisa njani bona uJehova uyamthanda. Ungambuza imibuzo nasi: “Indaba le ikufundisani ngoJehova?” namkha “Indaba le ikutjengisa njani ukuthi uJehova uyakuthanda?” Siza umfundi abone isizo lakaJehova ekuphileni kwakhe. (2Kr 16:9) Mtjele ukuthi uJehova uyiphendule njani imithandazwakho begodu umsize aqalisise ukuthi uJehova uyiphendula njani imithandazwakhe. Uzokuthaba khulu nawubona umuntu ofunda naye iBhayibheli atjengisa ukuthi uyamthanda uJehova begodu atjhidelana naye.

BUKELA IVIDIYO ETHI, SIZA ABANTU OFUNDA NABO IBHAYIBHELI BABE NETJHEBISWANO ELIHLE NOJEHOVA BESE UPHENDULA IMIBUZO ELANDELAKO:

• 

  UThandi waqalana nasiphi isitjhijilo?

• 

  UNitha wamsiza njani uThandi?

• 

  UThandi wasizwa yini ukuthi ahlule isitjhijilo ebekaqalene naso?