IPILO YAMAKRESTU
Cabanga NjengoJehova
Sifuna ukuthabisa uJehova kikho koke esikwenzako. (IzA 27:11) Bona senze njalo, sitlhoga ukwenza iinqunto ezitjengisa indlela acabanga ngayo ngitjho nalapho kunganamthetho osinqophisako. Khuyini engasisiza bona senze njalo?
Yiba nehlelo lokufunda iBhayibheli qobe. Ngaso soke isikhathi nasifunda iBhayibheli, kufana nokuthi sicoca noJehova. Singafunda indlela uJehova acabanga ngayo ngokuqala indlela aphatha ngayo abantu bakhe nangokufunda ngeembonelo zalabo abenza okuhle namkha okumbi emehlwenakhe. Nakufuze senze isiqunto, ummoya ocwengileko ungasikhumbuza iimfundo neenkambisolawulo esizifunde eliZwini lakaZimu.—Jwa 14:26.
Yenza irhubhululo. Nakufuze wenze isiqunto, zibuze, ‘Ngimaphi amavesi namkha iindaba eziseBhayibhelini ezingangisiza ngizwisise ukuthi uJehova uzizwa njani ngendaba le?’ Thandaza ubawe uJehova akusize, bewusebenzise namathulusi wokurhubhulula afumaneka ngelimi lakho, azokusiza ufumane iinkambisolawulo zeBhayibheli ongazisebenzisa ebujamweni oqalene nabo.—IR 25:4.
BUKELA IVIDIYO ETHI, KUFUZE ‘SIGIJIME NGOKUKGHODLHELELA’—YIDLA UKUDLA OKUNEZAKHAMZIMBA, BESE UPHENDULA IMIBUZO ELANDELAKO:
Ngikuphi ukugandeleleka udadwethu osesemutjha osevidiyweni aqalana nakho?
Ungawasebenzisa njani amathulusi wokurhubhulula bona uqalane nokugandelelwa okufanako?
Sizuza njani nasizipha isikhathi sokurhubhulula begodu isifundo somuntu mathupha singasisiza njani senze iinqunto ezihle?—Heb 5:13, 14