“Hlela Ongathanda Ukukwenza Ngesikhathi SesiKhumbuzo”

Qobe mnyaka, abantu bakaJehova baqala phambili ekugidingeni isiKhumbuzo ndawonye. Eemvekeni ezingaphambi nezingemva kwesiKhumbuzo, sisebenzisa ithuba elikhethekilekwelo ukudumisa nokuthokoza uJehova ngesipho sesihlengo. (Efe 1:3, 7) Ngokwesibonelo, sisebenza budisi ukumemela abanye esiKhumbuzweni. Abanye bahlela kuhle bona bathathe ubuphayona obusizako ngenyanga ka-Matjhi no-Apreli banomnqopho wokufikelela ama-awara ama-30 ukuya kwama-50. Ungakuthabela ukungezelela isikhathi osisebenzisela ukutjhumayela ngesikhathi sesiKhumbuzo umnyaka lo? Khuyini engakusiza uphumelele?

Kanengi, singafeza okukhulu nasihlela kusese nesikhathi. (IzA 21:5) IsiKhumbuzo siyatjhidela, lesi ngiso isikhathi sokuthoma ukuhlela. Cabanga ngokuthi khuyini ongathabela ukuyithuthukisa endleleni osebenzela ngayo uJehova ngesikhathi sesiKhumbuzo umnyaka lo, uhlole nozokutlhoga bona ufikelele umnqophwakho. Ngemva kwalokho, bawa uJehova abusise imizamwakho.—1Jw 5:14, 15.

Zikhona na iindlela ozicabangako ezingakusiza uthuthukise ikonzwakho ngesikhathi sesiKhumbuzo?