Iindlela Zokufunda

Fumana Okungeziweko Ngobuntu BakaJehova Obuligugu

Nasifunda iBhayibheli, singenza irhubhululo bona sikuzwisise kuhle esikufundako. Asifuni ukufunda bona singezelele ilwazi esinalo ngeBhayibheli kwaphela. Sifuna ukufunda okungeziweko ngobuntu bakaJehova obuzokwenza bona ithando esinalo ngaye likhule. Bona senze lokhu, singazibuza, ‘Indaba engifunda ngayo eBhayibhelini le ingifundisani ngoJehova?’

Ngokwesibonelo singalinga ukufumana okungeziweko ngokuthi uJehova utjengise njani ithando, ukuhlakanipha, ubulungiswa namandla. Nanyana kunjalo, ubuntu bakaJehova abupheleli la. Buhlanganisa nobunye ubuntu obuhle. Ungayifumanaphi imininingwana engeziweko ngobuntu bakhe?

Qala irhelo lobunye ubuntu obungaphezu kwama-50 obufumaneka ku-Watch Tower Publications Index ngaphasi kwesihloko esithi, “Jehovah” uqale nangaphasi kwesihlokwana esithi, “Qualities by Name.” Yenza irhubhululo ngalezo ezikhambelana nendaba eseBhayibhelini ofunda ngayo. (Nange ukghona ukuvula Ithulusi Lokurhubhulula LaboFakazi BakaJehova, qala ngaphasi kwesihloko esithi, “UJehova uZimu” bese uqala ngaphasi kwesihlokwana esithi, “Ubuntu bakaJehova.”)