Kubayini Ipi Nenturhu Kuragela Phambili?
IBhayibheli lihlathulula lokho okubangela izipi nokuthi kubayini ziragela phambili.
ISONO
UZimu wadala ababelethi bethu bokuthoma, u-Adamu no-Eva, wabenza bafana naye. (Genesisi 1:27) Lokho kutjho ukuthi bebazokutjengisa ubuntu bakaZimu, obuhlanganisa ukuthula nethando. (1 Korinte 14:33; 1 Jwanisi 4:8) Nanyana kunjalo, u-Adamu no-Eva akhenge balalele uZimu bona. Yeke ukufa nesono kwarhatjheka kibo boke abantu. (Roma 5:12) Ngebanga lesono sihlala sinemicabango emimbi, eyenza abantu abanengi babe nenturhu.—Genesisi 6:5; Markosi 7:21, 22.
URHULUMENDE WABANTU
UZimu akhenge adale abantu bona bazibuse. IBhayibheli lithi: “Umuntu akakghoni ukunqophisa ngitjho namagadangwakhe.” (Joromiya 10:23) Ngebangelo, aborhulumende babantu angekhe bakghone ukuqeda ipi nenturhu ngokupheleleko.
USATHANA NAMADIMONAKHE
IBhayibheli liveza ukuthi “iphasi loke lisemandleni kaSathana.” (1 Jwanisi 5:19) USathana lo ubizwa nangokuthi nguDeveli begodu umbulali okhohlakeleko. (Jwanisi 8:44) Yena namadimoni benza abantu bathome izipi nenturhu.—IsAmbulo 12:9, 12.
Abantu angekhe bakghone ukuqeda izinto ezibangela ipi nenturhu kodwana uZimu angakghona