Kghani Kuqakathekile Ukuba Sekolweni Ehlelekileko?

Ipendulo yeBhayibheli

Iye, ngombana uZimu ufuna abantu bahlangane ukwenzela bona bamlotjhe. IBhayibheli lithi: “Asicabangelaneni ukuze sivuselelane ithando nemisebenzi emihle, singakuliseleli ukuhlangana kwethu ndawonye.”—Hebheru 10:24, 25.

UJesu wakuveza ukuthi abalandeli bakhe bazokuba siqhema esihlelekileko nakathi kibo: “Boke bazokwazi ngalokhu ukuthi nibafundi bami—nanithandanako.” (Jwanisi 13:35) Njengombana le bekuyindlela eyihloko yokuba nethando, abafundi bakaKrestu bebazokuhlangana nabantu abakholwa nabo. Bebazokuhlelwa babe mabandla ahlangana qobe bona alotjhe uZimu. (1 Korinte 16:19) Nabahlangene, bebazokuba mndeni omkhulu wephasi loke. —1 Pitrosi 2:17.

Kutlhogeka okungaphezu kokuba sekolweni ethileko

Nanyana iBhayibheli litjengisa ukuthi abantu kufuze bahlangane ukwenzela bona balotjhe uZimu, alithi kufuze ube sekolweni ethileko kwaphela bona uthabise uZimu. Bona wamukelwe nguZimu, lokho okukholelwako kufuze kuthinte indlela ophila ngayo. Ngokwesibonelo, iBhayibheli lifundisa ukuthi: “Umhlobo wokulotjha ohlwengileko ngokombono kaZimethu uBaba ngilo: kutlhogomela iintandani nabahlolokazi esizini labo, nokuhlala unganabala elivela ephasini.”—Jakopo 1:27.