USamyela Wokuthoma
29 AmaFilista+ ahlanganisa woke amabuthwawo e-Afeki, lokha ama-Israyeli nawahlome ikampawo hlanu komthombo weJizriyela.+ 2 Amakhosi wamaFilista bewadlula namasotjawo ngeenqhema ezimakhulu nezingeenkulungwana, uDavida nabantu bakhe bebamatjha ngemva no-Akhitjhi.+ 3 Kodwana amakhosana wamaFilista athi: “AmaHebheru la afunani?” U-Akhitjhi waphendula amakhosana wamaFilista wathi: “Lo nguDavida isisebenzi seKosi uSawula yakwa-Israyeli, bekasolo anami isikhathi esingaba mnyaka namkha ngaphezulu.+ Akhenge ngifumane kuye namunye umtjhapho kusukela ngelanga abalekela ngalo kimi bekube kunamhlanjesi.” 4 Kodwana amakhosana wamaFilista amkwatela khulu athi kuye: “Buyisela umrhali lo emva.+ Mlise akhambe abuyele endaweni owamabela yona. Ungamvumeli bona akhambe nathi epini bona angasijikeli nasilwako.+ Khuyini engcono umuntu lo angazincengela ngayo ekosini ngaphandle kweenhloko zabantu bethu? 5 Kghani akusinguDavida lo na ebebavuma ngaye nabajidako, bathi:
‘USawula urhayile iinkulungwana zakhe,
UDavida urhayile amatjhumi weenkulungwana’?”+
6 Nje-ke u-Akhitjhi+ wabiza uDavida wathi kuye: “Ngifunga ngoJehova uZimu ophilako, umumuntu olungileko begodu ngiyakuthabela bona ukhambe nebutho lami ejimeni,+ ngombana akhenge ngifumane kuwe namunye umtjhapho kusukela ngelanga oweza ngalo kimi bekube kunamhlanjesi.+ Kodwana amakhosi awakuthembi.+ 7 Yeke buyela emva ngokuthula, ungenzi litho ezokusilinga amakhosi wamaFilista.” 8 Nanyana kunjalo, uDavida wathi ku-Akhitjhi: “Afeke-ke kubayini? Ngenzeni? Ngimuphi umtjhapho owufumene esisebenzini sakho kusukela ngelanga engeza ngalo kuwe bekube kunamhlanjesi? Kubayini kungakafuzi bona ngikhambe nawe ngiyokulwa namanaba wekosami?” 9 U-Akhitjhi waphendula uDavida wathi: “Ngokuya ngami bewusolo ulunge njengengilozi kaZimu.+ Kodwana amakhosana wamaFilista athe, ‘Ungamvumeli bona akhuphukele nathi epini.’ 10 Nje-ke vuka ngamasa neensebenzi zekosakho ezize nawe; nikhambe ekuseni nakuthoma ukukhanya.”
11 Yeke uDavida nabantu bakhe bavuka ngamasa bona babuyele enarheni yamaFilista begodu amaFilista akhuphukela eJizriyela.+