USamyela Wokuthoma

7 Yeke abantu beKhiriyathi-Jeyarimu beza bathatha umFaji kaJehova bakhuphukela nawo endlini ka-Abinadaba+ esembundwini bese bacwengisa indodanakhe u-Elazara bona igade umFaji kaJehova.

2 Kwadlula isikhathi eside, iminyaka ema-20 yoke, kusukela ngelanga umFaji owafika ngalo eKhiriyathi-Jeyarimu, begodu woke ama-Israyeli athoma ukufuna* uJehova.+ 3 USamyela wathi kiwo woke ama-Israyeli: “Nangabe nibuyela kuJehova ngeenhliziyo zenu zoke,+ susani abozimu beentjhaba+ nemifanekiso ka-Atjhitarothi+ hlangana nani, ninqophise iinhliziyo zenu kuJehova ngokupheleleko benilotjhe yena yedwa,+ yena uzonisindisa esandleni samaFilista.”+ 4 Yeke ama-Israyeli alahla aboBhali nemifanekiso ka-Atjhitarothi begodu alotjha uJehova kwaphela.+

5 Ngemva kwalokho, uSamyela wathi: “Buthelelani ama-Israyeli woke eMitsipha,+ ngizonithandazela kuJehova.”+ 6 Yeke ahlangana eMitsipha, akha amanzi awathulula phambi kwakaJehova begodu azila ukudla mhlokho.+ Athi: “Sonile kuJehova.”+ USamyela wathoma ukuba ngumahluleli+ wama-Israyeli eMitsipha.

7 AmaFilista nakezwa bona ama-Israyeli ahlangene eMitsipha, amakhosi wamaFilista+ akhuphuka ayokulwa nama-Israyeli. Ama-Israyeli nakezwa ngalokho, athukwa ngebanga lamaFilista. 8 Yeke ama-Israyeli athi kuSamyela: “Ungalisi ukubiza uJehova uZimethu bona asisize+ begodu asisindise esandleni samaFilista.” 9 USamyela wathatha imvana esamunyako wenza ngayo umnikelo otjhiswako opheleleko+ kuJehova godu uSamyela wabiza uJehova bona asize ama-Israyeli, uJehova wamphendula. 10 Njengombana uSamyela enza umnikelo otjhiswako, amaFilista abandamela bona azokulwa nama-Israyeli. Nje-ke uJehova wabangela bona izulu lidume+ mhlokho, watjharaganisa+ amaFilista begodu abhalelwa phambi kwama-Israyeli.+ 11 Ngalokho ama-Israyeli aphuma eMitsipha agijimisa amaFilista, awarhayila kufikela eBhethe-Kari. 12 Yeke uSamyela wathatha ilitje+ walibeka phakathi kweMitsipha neJetjhana bewalibiza ngokuthi yi-Ebheni-Ezeri ngombana wathi: “UJehova usisizile bekube nje.”+ 13 Ngalokho amaFilista ahlulwa begodu akhenge asabuya kwa-Israyeli+ godu emihleni kaSamyela, isandla sakaJehova saragela phambili sijamelene namaFilista.+ 14 Godu, amadorobho ebekathunjwe maFilista abuyiselwa kuma-Israyeli, kusukela e-Ekroni bekube seGathi, begodu ama-Israyeli abuyisa isifunda sawo ebesisesandleni samaFilista.

Godu bekunokuthula phakathi kwama-Israyeli nama-Amori.+

15 USamyela wahlulela ama-Israyeli ukuphila kwakhe koke.+ 16 Qobe mnyaka bekaya eBhetheli,+ eGiligali+ neMitsipha,+ ahlulela ama-Israyeli kizo zoke iindawezi. 17 Kodwana bekabuyela eRama,+ ngombana indlwakhe beyilapho, begodu nakhona lapho bekahlulela ama-Israyeli. Wakhela uJehova i-aldara khonapho.+