IRhubo
INCWADI YESIBILI
(AmaRhubo 42-72)
Kumnqophisi. IMaskili* lamadodana kaKhorarhi.
42 Njengeqina elikhanukela amanzi asemilanjaneni,
Nami ngomele wena Zimu.
2 Ngomele uZimu, uZimu ophilako.+
Ngingeza nini phambi kwakaZimu?+
3 Iinyembezi zami zikukudla kwami imini nobusuku;
Ilanga loke abantu bayanginyefula bathi: “Uphi uZimakho?”+
4 Ngiyazikhumbula izintwezi, ngithulula nomphefumulwami,*
Ngombana khengakhamba newoma labantu;
Bengijayele ukukhamba kabuthaka phambi kwabo ngitjhinge endlini kaZimu,
Ngetjhada lethabo nokuthokoza,
Ngetjhada lesiqubuthu esigidinga umnyanya.+
5 Kubayini ngiphelelwe lithemba?+
Kubayini kunetjharagano le ngaphakathi kwami?
6 Zimami, ngiphelelwe lithemba.+
Kungebangelo ngikukhumbula,+
Ngisenarheni yeJordani neenqongolweni zeRherimoni,
NgiseNtabeni iMitsari.*
7 Amanzi azikileko abiza amanzi azikileko
Ngetjhada leemphororo zakho.
Woke amagagasakho anamandla angidisibezile.+
8 UJehova uzonginikela ithando lakhe* emini,
Ebusuku ingomakhe izokuba nami, umthandazo oya kuZimu wokuphila kwami.+
9 Ngizokuthi kuZimu, idwala lami:
“Ungikhohlweleni?+
Kubayini kufuze ngikhambakhambe ngidanile ngebanga lokugandelelwa manabami?”+
10 Amanabami anginyefula ngelunya afuna ukungibulala;*
Ilanga loke ayanginyefula athi: “Uphi uZimakho?”+
11 Kubayini ngiphelelwe lithemba?
Kubayini kunetjharagano le ngaphakathi kwami?