IRhubo

43 Maye! Zimu, ngahlulela,+

Jamela umlandwami ongokomthetho+ esitjhabeni esingakathembeki.

Ngihlenga emuntwini okhohlisako nongakalungi.

2 Ngombana unguZimami, usiphephelo sami.+

Kubayini ungilahlile?

Kubayini kufuze ngikhambakhambe ngidanile ngebanga lokugandelelwa linaba lami?+

3 Thumela ukukhanya kwakho neqiniso lakho.+

Kwanga kunganginqophisa;+

Kungise entabenakho ecwengileko nethaberinakeleni lakho elikhulu.+

4 Ngemva kwalokho, ngizokuza e-aldareni lakaZimu,+

Ngizokuza kuZimami, ithabo lami elikhulu.

Maye! Zimu, Zimami, ngizokudumisa ngeharibha.+

5 Kubayini ngiphelelwe lithemba?

Kubayini kunetjharagano le ngaphakathi kwami?

Linda uZimu,+

Ngombana ngisazomdumisa njengoMsindisami omKhulu noZimami.+