IRhubo

Kumnqophisi. Irhubo lamadodana kaKhorarhi. Ingoma.

47 Wahlani izandla, noke nina ntjhaba.

Dumisani uZimu, nirhuwelele ngethabo.

2 Ngombana uJehova oPhezukoke uyasabeka;+

UyiKosi ekulu ephasini loke.+

3 Uhlula iintjhaba ngaphasi kwethu;

Ubeka iintjhaba ngaphasi kweenyawo zethu.+

4 Usikhethela ilifa,+

Eliligugu lakaJakopo, amthandako.+ (Sela)

5 UZimu ukhuphuke hlangana nokurhuwelela kwethabo;

UJehova, hlangana netjhada lephondo.*

6 Bhinelani uZimu iindumiso, bhinani iindumiso.

Bhinelani iKosethu iindumiso, bhinani iindumiso.

7 Ngombana uZimu uyiKosi yephasi loke;+

Bhinani iindumiso, nitjengise ilemuko.

8 UZimu ube yiKosi phezu kweentjhaba.+

UZimu uhlala esihlalweni sakhe sobukhosi esicwengileko.

9 Abarholi beentjhaba babuthene

Nabantu bakaZimu ka-Abrahama.

Ngombana ababusi bephasi ngebakaZimu.*

Uphakeme khulu.+