IRhubo
Ingoma. Irhubo lamadodana kaKhorarhi.
48 UJehova mkhulu begodu ufaneleka khulu bona adunyiswe
Edorobheni lakaZimethu, entabenakhe ecwengileko.
2 INtaba iZiyoni isetlhagwini ekude,
Yihle ngokuphakama kwayo, iyithabo lephasi loke,+
Iyidorobho leKosi eKulu.+
3 Ngemibhotjhongo yalo evikelekileko,
UZimu wenze kwaziwa bona usiphephelo esivikelekileko.+
4 Ngombana qala! amakhosi enze imbizo;*
Atjhinge phambili ndawonye.
5 Kwathi nawalibonako, arareka.
Arhidlwa livalo, abaleka ngebanga lokusaba.
6 Abanjwa kuhlengezela lapho,
Ubuhlungu obufana nebomfazi obelethako.
7 Ngomoya wepumalanga uphohloza imikhumbi yeTaratjhitjhi.
8 Ebesikuzwa ngobatjho, sesizibonele khona ngawethu
Edorobheni lakaJehova wamabutho, edorobheni lakaZimethu.
UZimu uzolidzimelelisa ngokungapheliko.+ (Sela)
9 Maye! Zimu, sicabangisisa ngethando lakho+
Phakathi kwethempeli lakho.
10 Maye! Zimu, njengegama lakho, idumo lakho
Lifikelela emaphethelweni wephasi.+
Isandla sakho sokudla sizele ukulunga.+
11 Kwanga iNtaba iZiyoni+ ingathaba,
Kwanga amadorobho* wakwaJuda angathaba, ngebanga lezahlulelo zakho.+
13 Hlolisisani amabodayo avikelekileko.+
Hlolisisani imibhotjhongwayo evikelekileko,
Bona nikhulume ngayo eenzukulwaneni ezizako.
14 Ngombana uZimu lo nguZimethu+ isiphelani.