IRhubo
Ingoma yesililo uDavida ayivumela uJehova malungana namezwi kaKutjhe umBhenjamini.
7 Maye! Jehova Zimami, ngiphephela kuwe.+
Ngisindisa kibo boke abangihlunguphazako, ungihlenge.+
2 Nakungasinjalo, bazongirathula ngibe ziinquqwana njengombana kwenza ibhubezi,+
Bazongihluthula kungabi nomuntu ongihlengako.
3 Maye! Jehova Zimami, nangabe nginomtjhapho kilokhu,
Nangabe ngenze ngokungalungi,
4 Nangabe ngone umuntu owenza okulungileko kimi,+
Namkha ngidlelezele inaba lami* ngaphandle kwesizathu,
5 Vumela inaba lingigijimise, lingifumane;
Lingigadangele phasi*
Lenze iphazimulwami itjhabalale ethulini. (Sela)
6 Ngilwela Jehova, sikima ngelaka lakho;
Sikima ulwe nalabo abangiphatha ngelaka nelunya;+
Vuka ngebanga lami, uyale bona kwenziwe ubulungiswa.+
7 Iintjhaba azikubhode;
Begodu wena uzozijezisa uphezulu.
8 UJehova uzokugweba iintjhaba.+
Maye! Jehova, ngahlulela ngokulunga kwami
Nangokuthembeka kwami.+
9 Ngibawa uqede zoke izenzo ezimbi zokhohlakeleko.
Kodwana uvikele olungileko,+
Njengombana unguZimu olungileko+ ohlolisisa iinhliziyo+ namazizo adephileko.*+
10 UZimu usiviko sami,+ umSindisi walabo abalungileko ehliziyweni.+
13 Ulungisa iinkhali zakhe ezibulalako;
Ulungisa imicibitjholwakhe evuthako.+
14 Qala umuntu ozithwele ukukhohlakala;
Uzithwala umraro, ubeletha namala.+
15 Wemba umgodi, awenze utjhinge,
Kodwana kuwela yena ngemgodini awembileko.+
16 Umraro awubangako uzokubuyela ehlokwakhe;+
Inturhwakhe izokuwela ehlokwakhe.