IRhubo

Ingoma kaDavida, ngesikhathi asemmangweni wakwaJuda.

63 Maye! Zimu, unguZimami, ngisolo ngifunana nawe.+

Ngiyakomela.+

Ngiphelelwa mamandla ngebanga lokurhuluphela wena

Enarheni eyomileko, enganamanzi.+

2 Yeke ngikubonile endaweni ecwengileko;

Ngiwabonile amandlakho nephazimulwakho.+

3 Ngebanga lokuthi ithando lakho elithembekileko lingcono kunokuphila,+

Iindebe zami zizokudumisa.+

4 Yeke ngizokudumisa ukuphila kwami koke;

Ngizokuphakamisa izandla zami ngithandaze egameni lakho.

5 Nganelisekile ngengcenye ehle nekhetheke khulu,

Yeke iindebe zami zizokubhinela, umlomami ukudumise ngethabo.+

6 Ngiyakukhumbula nangisembhedenami;

Ngizindla ngawe phakathi nemilindo yobusuku.+

7 Ngebanga lokuthi ungumsizami,+

Ngirhuwelela ngethabo emthunzini wamaphikwakho.+

8 Nginamathela kuwe;

Isandla sakho sokudla singibamba ngokuqinileko.+

9 Kodwana labo abafuna ukungibulala

Bazokwehlela ekuzikeni kwephasi.

10 Bazokunikelwa emandleni wesabula;

Bazokuba kukudla kweempungutjha.

11 Kodwana ikosi izokuthaba kuZimu.

Woke umuntu ofunga ngaye uzokuthaba,*

Ngombana imilomo yalabo abakhuluma amala izokuthuliswa.