IRhubo
Ingoma ka-Asafa.
79 Maye! Zimu, iintjhaba zisahlele ilifa lakho;+
Zasilaphaza ithempeli lakho elicwengileko;+
Zatjhiya iJerusalema limarubhi.+
2 Banikele iinyoni zezulu iindumbu zeenceku zakho bona zidle
Banikela neembandana inyama yabathembekileko bakho.+
3 Bathulule iingazi zabo njengamanzi eJerusalema yoke,
Begodu akekho oseleko bona ababulunge.+
4 Sibe lihlazo kibomakhelwana bethu;+
Labo abasibhodileko bayasihleka begodu bayasinyefula.
5 Maye! Jehova, uzokusilingeka bekube nini? Ngokungapheliko na?+
Kuzabe kube nini ilaka lakho livutha njengomlilo?+
6 Thululela ilaka lakho eentjhabeni ezingakwaziko
Nemibusweni engabizi igama lakho.+
7 Ngombana barhiribidele uJakopo
Batjhabalalise nenarhakhe.+
8 Ungasijeziseli imitjhapho yabokhokho bethu.+
Iba nomusa kithi msinyana,+
Ngombana sehliswe khulu.
9 Maye! Zimu wesindiswethu, sisiza,+
Ngebanga legama lakho eliphazimulako;
10 Kubayini iintjhaba kufuze zithi: “Uphi uZimabo?”+
Kwanga singabona nakwaziwako hlangana neentjhaba
Bona uzibuyiselele ngebanga leengazi eziphalaziweko zeenceku zakho.+
11 Kwanga ungezwa ukububula kwesibotjhwa.+
Sebenzisa amandlakho amakhulu* bona usindise* labo abagwetjelwe ukufa.+