IRhubo
Kumnqophisi; lizokuvunywa ngendlela yengoma ethi “Amathuthumbo.” Isikhumbuzo. Irhubo laka-Asafa. Ingoma.
80 Maye! Melusi ka-Israyeli, lalela,
Wena onqophisa uJosefa njengomhlambi.+
4 Jehova Zimu wamabutho, kuzabe kube nini ulwa nabantu bakho, ungafuni nokulalela imithandazwabo?+
5 Ubondla ngeenyembezi njengokungathi burotho babo,
Begodu ubenza basele iinyembezi ezingaphezu kwesilinganiso.
6 Uvumela abomakhelwana bethu baphikisane ngathi;
Amanabethu asolo ahlekisa ngathi ngendlela athanda ngayo.+
7 Maye! Zimu wamabutho, samukela godu;
Ubuso bakho abuphazimule kithi bona sisindiswe.+
8 Wenze isidiribe+ saphuma eGibhide.
Uqothe iintjhaba begodu wasitjala.+
9 Wasilungisela indawo,
Sanabisa nemirabhaso sazalisa inarha.+
10 Iintaba zagubuzeswa mthunzaso,
Nemisedari kaZimu yagubuzeswa ziimpande zaso.
12 Kubayini ugirize imithangala yamatje yesimu yamadiribe,+
Bona boke abadlula eqadi kwayo bakhe isithelo sayo?+
14 Maye! Zimu wamabutho, sibawa ubuye.
Qala phasi usezulwini ubone!
16 Sitjhiswe ngomlilo,+ saquntwa.
Bayabhubha nawukhalimako.
17 Kwanga isandla sakho singasekela umuntu ongesandleni sakho sokudla,
Indodana yomuntu oziqinisele yona.+
18 Yeke angeze sisuke kuwe.
Senze sihlale siphila bona sibize igama lakho.
19 Maye! Jehova Zimu wamabutho, samukela godu;
Ubuso bakho abuphazimule kithi bona sisindiswe.+